Vawiin khan Mizoram State Commission for Women chuan an Chairperson Pi Lalnipuii hovin Central Jail-a Women Cell an tlawh a. Women Cell-ah hian tang 60 leh naupang 2 an awm a, a tam ber te chu MLTP Act vanga man an ni a, drugs case bakah case lian deuh awrhte pawh an awm.

Central Jail Women Cell-a tangte hian Women Commission hotute hnenah an mamawh leh harsatna hrang hrang an thlen a. Chairperson Pi Lalnipuii chuan hmeichhe tangte chu mahni inrinna nghet tak nei a, an tanna pindan chu an kumhlunna tur a ni bik lo tih hriaa, an harsatna leh mamawhte pawh hmachhawn ngam turin a fuih a, Commission pawhin theihpatawpin sorkarah a sawisak zel dawn a ni, a ti.

Jail tangte nena inkawmhonaah hian Jailer Pu L.T.Ropuia leh thawktu dangten Commission hruaitute hi an lo tawiawm a ni.