1304/2025-2026

Aizawl the 23rd July, 2025 : Vawiin khan State Agricultural Management & Extension Training Institute (SAMETI), Mizoram buatsaihin State Level Workshop on Convergence & Market-led-Extension programme SAMETI Conference Hall, Directorate of Agriculture & Farmers Welfare, Tuikual South-ah neih a ni.

He workshop hi Pu R. Lalnunzira, Director of Agriculture & Farmers Welfare chuan kaihruaiin, Pi Ramdinliani, Special Secretary to the Govt. of Mizoram, Agriculture & Farmers Welfare Department-in a hmanpui a, Pi Ramdinliani chuan vawiin a he workshop a lotel zawng zawng Agriculture leh Allied Department bakah Rural Development Department atanga Officers lokal khawmte hnenah Department tin te'n convergence tha leh awmze nei zawk a sheme hrang hrang kan neihteah tun aia thawhhona tha zawk a kalpui zel turin leh theih tawp chhuah chhunzawm zel turin kal khawmte a chah.

He workshop neih chhan hi Pi Lalnunpuii Parte, Director, SAMETI hnen atangin ngaihthlak a ni a. Pi Biakthansangi Hrahsel, Deputy Adviser-cum-Deputy Secretary, Planning & Programme Implementation Department atangin  "Importance of Convergence" thupui ngaihthlak a ni a. Department hrang hrang Agriculture & Farmers Welfare, Horticulture, Animal Husbandry & Veterinary, Land Resources, Soil & Water Conservation, Fisheries, Sericulture, Irrigation & Water Resources leh Rural Development te atangin Scheme hrang hrang an neihte leh an hmalakna te Power Point Presentation hmangin inhrilh hriatna hun neih a ni a. Thawhho theihna tur kawng hrang hrang awm thei te sawihona neih a ni.