Sorkar sum enkawl leh pekchhuah kawnga Reserve Bank of India in kalphung thar a duan zirhona Workshop on CTS system and training on operationalisation of ECS/RCS chu vawiin khan I&PR Conference Hall-ah tan a ni a. Ni hnih awh tur Workshop hi Finance Secretary Pu Lalthansanga’n thuhmahruai sawiin tan a ni.
Vawiin chuan sorkar Department hrang hrang a a kaihhnawih Officer te tan training hi buatsaih a ni a. Naktukah chuan Agency Bank hrang hrang pualin SBI Main Branch-ah practical training neih chhunzawm a ni ang. He training/ workshop ah hian tuna cheque system hman mek Non MICR chu CTS 2010 Standard Cheque-a thlak chungchang leh a thatna hrang hrang te in zirtir leh sawiho a ni a. Tuna cheque hman mek hi khawvel thiamna thang chho mekah hian a hmantlak tawh dawn loh avangin September, 2012 ral hmain cheque kalphung thara thlak vek tur a ni.
He training/ workshop-a zirtir tur hian Reserve Bank of India Mumbai, Kolkatta leh Guwahati atang tein mithiam an lo tel a ni.
