Vawiin chawhma dar 11 : 00 khan Siaha District Disaster Management Authority huaihawt in “Workshop on Preparation of Departmental Disaster Management Plan” chu hlawhtling taka neih a ni.

He Workshop hi Pu Andy Lalfakzuala Varte, SDC (P) & Nodal Officer, DM&R Branch, Siaha chuan kaihruaiin Workshop neih a ni chhan leh a pawimawhna te sawi hawnna a nei a, Pu N. Chakhai, Additional Deputy Commissioner & CEO, District Disaster Management Authority, Siaha chuan Keynote Address pein chhiatna alo thlen hian a ho lo hle a ni tiin Siaha hian chhiatna nasa tak vawi thum lai alo tawk tawh a, chuvangin Disaster Management hi kan neih that a pawimawh a ni ati a, chhiat kan tawh hian Management Plan felfai tak neih a ngai a ni ati bawk. Chhiatrupna laka inveng thei tur chuan Mock Drill neih te a pawimawh hle a ni ati a, 1995 kuma Cyclone tleh khan Siaha District ah In 250 lai mai a nuaichhiat vek thute sawiin Thlipui, Lirnghing, Tuilian leh Leimin te laka kan him theina turin Disaster Management Plan tha tak kan neih a tul a ni ati a, chhiatna hi englai pawha lo thleng thei reng a ni tih kan hriat a pawimawh em em a ni tiin chhiatna alo thlen hian hmalakna kawngah tih hmasak ngai leh tih hmasak tur kan hriat a pawimawh a, hlauh leh thlabar vanga chiai mai loh tur a ni tiin rilru mumal tak neih a pawimawh thu a sawi bawk.

Pu VL Zuithanga, District Organiser, DM&R, Siaha pawhin Departmental Disaster Management Plan chungchang sawiin District chhunga Department hrang hrang ten Disaster Management Plan kan siam a pawimawh a ni tiin Department hrang hrang te Plan kan siamna-ah kan thawhho that a ngai a ni ati bawk. He Plan hi Update zel atul thu sawiin, Disaster Management Plan in a tarlan tlangpui te chu -1) Hazard, Risk & Vulnerability Analysis, 2) Resource Mapping, 3) Command, Control & Co-ordination, 4) Evacuation Plan, 5) Emergency Medical Plan, 6) Safety & Security of Documents, 7) Likely Perceived Scenarios, 8) Suggested Responses, 9) Roles & Responsibilities, 10) Conduct of Mock Exercise leh 11) Annexure of Maps te an nih thu a sawi lang a ni.

He Workshop-ah hian zawhna leh chhanna hunte neih a nih bakah huamzau taka sawihona hun hman a ni a, Chairman in lawmthu sawina hun a hman hnu-ah he Workshop hi a tihtawp a ni.