Vawiin khan nihnih awh tur Workshop on 'Sustainable Agriculture Revolution in Mizoram' chu Art & Culture Auditorium, Berawtlang-ah tan a ni. He Programme hi Agriculture, AH & Vety, Fisheries, Horticulture, Minor Irrigation leh Soil & Water Conservation Department-te leh AMFU te tangkawpa buatsaih a niin Mizoram inghahna tlaka Agriculture leh a kaihhnawih eizawnna hrang hrang buatsaih chu a tum a ni. Hawnna Programme Pu Vanengmawia, IAS, Agriculture Secretary kaihhruaiah hian Pu R. Lalduhawma, President, AMFU, Khuallian Pu H. Liansailova, Agriculture Minister leh Khualzahawm Pu K.S. Thanga, Parliamentary Secretary ten thu an sawi bakah Pu P. Bhattacharjee, Director of Agriculture chuan kalkhawmte hnenah lawmthu a sawi bawk.
Hawnna Programme tan hma hian Khuallian Pu H. Liansailova Agriculture Minister chuan Department hrang hrangte buatsaih Exhibition a hawng a, he Exhibition-ah hian Department hmalakna hmuhnawm tak tak tarlan a ni.
Hawnna inkhawmah thu sawiin Khuallian Pu H. Liansailova chuan, Agriculture leh a kaihhnawih Department hrang hrangte leh AMFU ten lungrual taka workshop ropui tak an buatsaih thei chu lawmawm a tih thu sawiin he workshop hian tuna sorkar Flagship programme NLUP tan pawh thil tangkai tak a hrin chhuah a beisei thu a sawi. Workshop chhimtute mai ni lo, Zoram hmun tina Loneitute tan rah tha a chhuah ngei a beisei tlat thu a sawi a. Khuallian chuan NLUP chu sorkarin a kalpui ngei dawn a, Mizoram tan chauh ni lovin India ram pum pawha entawn tlak turin siam tum a ni a, a dawngtute loneitute leh a kaihhnawiha thawktute pawhin theihtawp chhuah vek turin a chah bawk. A sawi zelnaah ei leh bara ngelnghehna hi ngaihpawimawh ber tur a ni a, tun dinhmunah chuan kan rilru put hmang tihdanglam a ngai a, hna hi tun hma angin kan thawk nasa tawk tawh lo. Kan hnam damna tur chuan Agriculture lama kan thanharh a ngai a, kan sum leh pai, eizawnna dinhmun hi tihdanglam a ngai a ni a ti. A sawi zelnaah Khuallian chuan, "Ram siam tha turin kan nunin a tihlan a ngai a, chumi tur chuan thiamna, inpekna, thahnemngaihna tak tak kan mamawh ta a ni a ti bawk. Pathianin ram leilung min pe a, Chuvang chuan ram leilung tangkai taka hmang thei tura kan inbuatsaih hi a pawimawh hle a ni. Kum 1965 hma lam kha chuan tlangram loneih hmangin kan intodelh a, Aizawl khawpuia khawsate kan awt bik lo. Tun hunah hian intodelh turin hna kan thawk tam tawk lova, tan kan lak a ngai a ni. Revolution chu thil inthlakthleng thut a nih angin vawiinah hian kan loneihdan te, loneitu kan nihdan te hi i inthlakthleng teh ang u, hmasawn turin ngaihtuahna thar i hmang ang u, tih hi kan hotuten loneitute an duhsakna avanga he Revolution hi buatsaih a ni," a ti.
He Workshop-a Khualzahawm, Pu K.S. Thanga, Parliamentary Secretary chuan thusawiin, "Zoramah nu leh pa leh upa lam ten kuthnathawh lama an buai mup mup laia thalai lamte awm awl lutuk leh hna zahawm tak thawk peih lova an awm mek hi a pawi a, Zoram pum thlirin kan ram dinhmun tur chu Agriculture & Allied Sectors (Agri-based) a ni mek a, a ni reng bawk dawn niin a lang. Chuvangin he thil hi hrechiangin kan sorkar hian NLUP a duang chhuak a, hemi hmanga kan ding chhuak lo a nih chuan kan ding chhuak ngai lovin ka ring," a ti. A sawi zelnaah Pu K.S. Thanga chuan, "Mizorama kan neih mek mithiamten vawk kahrai te, serthlum chi tha siam chhuah te, buh chin dan thar te thiam taka an tihthiam vek tawh laiin loneituten engvangin nge hma kan sawn theih loh tih hi ngun taka kan ngaihtuah a ngai a ni. Tun atang chuan Agri & Allied Sectors-a hmalakna reng reng hi NLUP atangin tana tihpuitlin tum vek a ni ang," a ti bawk. A sawi zelnaah Khualzahawm Pu K.S. Thanga chuan kum 30 kaltaa Tractor leh Power Tiller loneitute tana an sem chhuah aia tam tun Sorkar hian kum 1 leh a chanve chhungin a sem chhuak tawh a ni. Hetianga tanpuina hi Sorkarin tihchhunzawm zel a tum bawk a ni a ti.
He Workshop hi Pu Lalrinawma, Chairman, Law Commission pawhin a hmanpui a ni.He Workshop-ah hian Zoram hmun hrang hrang atangin loneitu 217 lai an rawn tel a, Department Directors leh Officers thahnem tak an tel bawk.
Chawhnu lamah mithiamten Power Presentation hmanga zirtirna an pek hnuah zawhna leh chhanna hun hman a niin a hmuna tel ve thei lote tan Live Phone-in hmanga zawhna leh chhanna hi hman chhunzawm a ni.
Heng programme zawng zawng hi DDK, Aizawl chuan Live-in a pe chhuak a ni.Ni hnih awh tur Workshop hi naktuk September ni 2, 2010 hian a hmun ngaiah chhunzawm leh tur a ni ang.
Hawnna inkhawmah thu sawiin Khuallian Pu H. Liansailova chuan, Agriculture leh a kaihhnawih Department hrang hrangte leh AMFU ten lungrual taka workshop ropui tak an buatsaih thei chu lawmawm a tih thu sawiin he workshop hian tuna sorkar Flagship programme NLUP tan pawh thil tangkai tak a hrin chhuah a beisei thu a sawi. Workshop chhimtute mai ni lo, Zoram hmun tina Loneitute tan rah tha a chhuah ngei a beisei tlat thu a sawi a. Khuallian chuan NLUP chu sorkarin a kalpui ngei dawn a, Mizoram tan chauh ni lovin India ram pum pawha entawn tlak turin siam tum a ni a, a dawngtute loneitute leh a kaihhnawiha thawktute pawhin theihtawp chhuah vek turin a chah bawk. A sawi zelnaah ei leh bara ngelnghehna hi ngaihpawimawh ber tur a ni a, tun dinhmunah chuan kan rilru put hmang tihdanglam a ngai a, hna hi tun hma angin kan thawk nasa tawk tawh lo. Kan hnam damna tur chuan Agriculture lama kan thanharh a ngai a, kan sum leh pai, eizawnna dinhmun hi tihdanglam a ngai a ni a ti. A sawi zelnaah Khuallian chuan, "Ram siam tha turin kan nunin a tihlan a ngai a, chumi tur chuan thiamna, inpekna, thahnemngaihna tak tak kan mamawh ta a ni a ti bawk. Pathianin ram leilung min pe a, Chuvang chuan ram leilung tangkai taka hmang thei tura kan inbuatsaih hi a pawimawh hle a ni. Kum 1965 hma lam kha chuan tlangram loneih hmangin kan intodelh a, Aizawl khawpuia khawsate kan awt bik lo. Tun hunah hian intodelh turin hna kan thawk tam tawk lova, tan kan lak a ngai a ni. Revolution chu thil inthlakthleng thut a nih angin vawiinah hian kan loneihdan te, loneitu kan nihdan te hi i inthlakthleng teh ang u, hmasawn turin ngaihtuahna thar i hmang ang u, tih hi kan hotuten loneitute an duhsakna avanga he Revolution hi buatsaih a ni," a ti.
He Workshop-a Khualzahawm, Pu K.S. Thanga, Parliamentary Secretary chuan thusawiin, "Zoramah nu leh pa leh upa lam ten kuthnathawh lama an buai mup mup laia thalai lamte awm awl lutuk leh hna zahawm tak thawk peih lova an awm mek hi a pawi a, Zoram pum thlirin kan ram dinhmun tur chu Agriculture & Allied Sectors (Agri-based) a ni mek a, a ni reng bawk dawn niin a lang. Chuvangin he thil hi hrechiangin kan sorkar hian NLUP a duang chhuak a, hemi hmanga kan ding chhuak lo a nih chuan kan ding chhuak ngai lovin ka ring," a ti. A sawi zelnaah Pu K.S. Thanga chuan, "Mizorama kan neih mek mithiamten vawk kahrai te, serthlum chi tha siam chhuah te, buh chin dan thar te thiam taka an tihthiam vek tawh laiin loneituten engvangin nge hma kan sawn theih loh tih hi ngun taka kan ngaihtuah a ngai a ni. Tun atang chuan Agri & Allied Sectors-a hmalakna reng reng hi NLUP atangin tana tihpuitlin tum vek a ni ang," a ti bawk. A sawi zelnaah Khualzahawm Pu K.S. Thanga chuan kum 30 kaltaa Tractor leh Power Tiller loneitute tana an sem chhuah aia tam tun Sorkar hian kum 1 leh a chanve chhungin a sem chhuak tawh a ni. Hetianga tanpuina hi Sorkarin tihchhunzawm zel a tum bawk a ni a ti.
He Workshop hi Pu Lalrinawma, Chairman, Law Commission pawhin a hmanpui a ni.He Workshop-ah hian Zoram hmun hrang hrang atangin loneitu 217 lai an rawn tel a, Department Directors leh Officers thahnem tak an tel bawk.
Chawhnu lamah mithiamten Power Presentation hmanga zirtirna an pek hnuah zawhna leh chhanna hun hman a niin a hmuna tel ve thei lote tan Live Phone-in hmanga zawhna leh chhanna hi hman chhunzawm a ni.
Heng programme zawng zawng hi DDK, Aizawl chuan Live-in a pe chhuak a ni.Ni hnih awh tur Workshop hi naktuk September ni 2, 2010 hian a hmun ngaiah chhunzawm leh tur a ni ang.
