PHE Department hnuaia Communication & Capacity Development Unit leh Kolkata-a All India Institute of Hygiene & Public Health (AIIH&PH) hnuaia Sanitary Engineering Department tangkawp chuan ni hnih awh tur Water Quality Monitoring & Surveillance tih thupui hmangin Aijal Club-ah workshop an buatsaih a, PHE Minister Pu S.Hiato chuan a hmanpui.

Pu S. Hiato chuan Workshop chhim tura lokal te chu mihring hriselna atana tuithianghlim pawimawh zia mipui mimir hnena zau taka zirtir thei tura fuihin he zirhona pawh hi hmang tangkai ngei turin a chah a ni.

Water Quality Monitoring hi kum 2006 Febuary thlaa National Rural Drinking Water Quality Monitoring & Surveillance programme hawn a nih atang khan PHE Department pawhin hma chak taka la ve nghalin tunah hian Sub-Divisional Laboratory 17 a awm a. District 8-ah laboratory a awmin heng laboratory-ah hian kumin January thleng khan sample 20,744 chuang endik a ni tawh bawk.

PHE Special Secretary Pi Dilraj Kaur kaihhruai Workshop hawnna inkhawmah hian PHED a Engineer, Chemist leh Bacteriologist hote an tel.