4224/2025-2026

Aizawl; 30th January, 2026: Vawiin khan Health Worker Training School, Kulikawn-ah World Anti-Leprosy Day 2026 hman a ni a. He programme hi Dr. Lalawmpuia Chhangte, Jt. Director (FW) leh State Leprosy Officer, NHM, Mizoram chuan kaihhruaiin, Kalkhawmte lawmna thusawiin, World Anti-Leprosy Day hman theih a ni chu lawmawm a tih thu a sawi. An hmanna tur hmun tak, a tangkaipui turte zinga hman a nih avangin lawmthu a sawi bawk.

Dr. Lalawmpuia Chhangte chuan Mizoram-ah kum 1996 atangin Phar Natna vei hmuhchhuah a nih thu a sawi a, Phar natna vei hmuhchhuah a nih atanga tun thlengin Mizoram-ah phar 1563 an awm tawh thu a tarlang bawk. Kum 2024-25 chhungin mi 7 enkawl dam an ni a, tun dinhmunah Mizoramah Phar natna vei mi 10 an awm mek thu a sawi. ( Aizawl – 3, Lunglei – 3, Lawngtlai – 2, Serchhip – 1 leh Kolasib – 1)ah te an awm mek a ni.

Dr. Nathan Vanlalhruaizela, State Leprosy Consultant chuan Phar natna chungchang zirtirna neiin hmuhchhuah a nih dan te, phar natna vei enkawl dan leh damdawi ei dan te a zirtir a. Health & Family Welfare Department in a thlawn vek a a enkawl bakah damdawi zawng zawng a thlawn a an pek thu a sawi a.

Health Department Official engemaw zat he hunah hian an tel a, hriselna chungchang zirtirna tha tak tak neih a ni.

Pu Isaac Laldawngliana, DEO leh IEC Asst. NHM chuan Day hlawhtling taka hman anih theihnan a thawktu te, Principal Nursing College staff zawng zawngte chungah leh Health Dept. Official engemaw zatin an telpui avangin lawmthu a sawi.