No.143/2021-2022

Aizawl, the 15th April, 2021: Vawiin khan Vanapa Hall-ah World Art Day, 2021, International Association of Arts buatsaihin neih a ni.

World Art Day 2021 hi hawngin khuallian Pi Lallianpuii, Information & Public Relations Director chuan, Art hi khawvel tawngkam mawi leh hlu, mihring ngaihtuahna leh chhungril atanga mihring thil thlirna chawk phura nun ti famkimtu a ni, a ti a. Mizo artiste thiam tak tak ten a puala workshop an hmang zui tur chu thil phurawm tak a ni, tiin, Mizo zingah lemziak, lemker leh painting thiam an pung chho zel chu lawmawm a tih thu a sawi a, hnam rohlu leh hmun pawimawh thehlar a, vawn that kawngah artiste te hi an pawimawh hle a ni, a ti.

Pi Lalhmingmawii, Art Novelty neitu in hawnna inkhawm hi a kaihruai a. IAA President Manaj Saha thuchah a chhiar chhuak a ni. Workshop artist mi 7 te hnenah chawimawina Chief Guest Pi Lallianpuii I &PR Director leh Guest of Honour Pu R. Hmingthanzuala, Art & Culture Director ten an hlan a ni.

Hawnna neih zawh hian artiste thiam thlan bikten workshop an nei nghal a, hawnna inkhawm hi Pi Carol VLMS Dawngliani, Jt. Director, Art & Culture Department in lawmthu sawiin a khar a ni.

World Art Day hi International Association of Arts ten Leonando Da Vinci piancham denchhenin he ni hi kum 2012 atang khan an hmang tan a ni.

Attachment

  • Loading attachment...