615/2026-2027

20th May, 2026: Khadi leh Village Industries Commission, Aizawl State Office chuan vawiin khan Zomuansanga School-ah World Bee Day an hmang.

KVIC Honey Mission hnuaiah hian eizawnna atana khuai khawi leh khawizu siam inzirtir tum a ni a. Khuai khawia eizawnna hian ecological balance, agriculture leh biodiversity a humhalh dawn avangin eizawnna ngelnghet atana a pawimawhzia zirlai te zirtir an ni.

He programme ah hian Dr. Vineet Chaturvedi, Director, KVIC, Aizawl leh Pi Zodinpuii, Assistant Director, KVIC, Aizawl te chuan World Bee Day pawimawhna leh a thiltumte an sawifiah a. Pi Rebecca Lalbiakngheti, SMS (Plant Protection), KVK chuan PowerPoint hmangin khuai khawi leh enkawl dan te, khawizu siam dan te leh agriculture leh ecosystem humhalhna atana khawizu pawimawhna a zirtir a. Dr. Zosangpuii, SMS (Vety.), KVK pawhin khawizu leh apiculture inzawm eizawnna te a sawifiah a ni.

Zirlai te zingah World Bee Day leh khawizu humhalh chungchang thupui hmangin lemziak intihsiakna buatsaih a ni a. Sawihona hun hman a ni bawk.

He programme hi Pu Safiyan Hayath, Executive, KVIC, Aizawl chuan a kaihruai a ni.