Vawiin chawhma dar 11:00 khan “World Consumer Rights Day” chu D.C.’s Conference Hall, Saiha-ah hman a ni. He Ni hmanna inkhawm hi Pu Thangchem Zathang, Additional Deputy Commissioner, Saiha chuan  a kaihruai a, Pu M.H. Tiabi, Executive Member i/c Revenue, Mara Autonomous District Council chuan thu sawiin Saiha District hi India ram ropui takah hian kilkhawr hle mahse India sawrkar chuan district dang zawng zawngte nen angkhat rengin min en a ni,tiin Central sawrkarin hmasawnna tur a programme hrang hrang a duan te a sawi langa mitinte hi Consumer kan ni tiin kan dikna leh chanvote kan hriatchian a tul thu a sawi bawk consumer kan nihna-ah kan Rights te kan hriatchian a  ngai a, kan dikna leh chanvo te pawh kan ngaihsak a pawimawh ani, a ti bawk. Saiha District chhunga chengte hian kan dikna leh chanvo hi kan ngaihthah em em ani, tiin rinawmna leh dikna tan ngam tlat turin kalkhawmte a chah bawk a ni. Mihring kan nihna anga kan dikna leh chanvo min chhuhsak tute chu kan ngaidam tur a ni lo tiin kan consumer rights te hmang ngamtu ni theuh turin kalkhawmte a chah bawk a ni. Pu C. Zasanga, District Civil Supply Officer, Saiha pawhin “Public Distribution System” tih thupui hmangin paper a present a. Pu V. Lalengmawia, SDO (S) chuan lawmthu sawina neiin he programme hi a khar a ni.