No.1960/2020-2020

Vawiin khan Mizoram Bharat Scouts and Guides State Headquarters buatsaihin thingphun hnatlang neih a ni.

World Environment Day leh Green Mizoram Day puala thingphun hnatlang hawnna hi Pu Lalsangliana MCS, State Chief Commissioner & Director, Sports and Youth Services kaihhruaina hnuaiah neiin, Directorate of Sports and Youth Services Compound leh Mizoram Bharat Scouts and Guides State Headquarters office ah te thing thahnem tak phun a ni.

Pu Lalsangliana, MCS, State Chief Commissioner & Director,Sports and Youth Services, Pu John Tanpuia MCS, Hqrs. Commissioner & Joint Director SYS, Pu Vanlalrova MCS, Hqrs Commissioner & Deputy Director SYS, Pi Saizampuii State Secretary Mizoram Bharat Scouts and Guides & Youth Welfare Officer SYS leh Scouts and Guides lama thawktu thahnem takin Thing hi an phun a ni.

World Environment Day leh Green Mizoram Day pual hian Mizoram chhunga District dangah pawh Scouts and Guides ten mahni in leh avel bakah vantlang hmun remchangah thing an phun bawk a ni.