682/2023-2024

Lunglei the 5^th June, 2023 – Vawiin World Environment Day, 2023 pualin Lunglei khawpui chhung ah Sawrkar Department, Paramilitary Force leh pawl hrang hrang buaitsaihin faina hnatlang leh thingphun humhalh leh samfai hnatlang neih a ni.

Lunglei Forest Department-a thawk ten nikum Green Mizoram Day thingphun an tifai a, a thi an hnawhkhat bawk. Nikum Green Mizoram Day-ah khan Mizoram Polytechnic campus-ah thing tiak 376 an phun a, Vawiin kha tum 3 an tihfaina a ni . Thing tiakte hi an nung tha hle a, tlaizawng a tam bera, herhse leh pangkaite an awm bawk. A thi 30 vel an hnawhkhat nghal a ni.

3 NH Assam Rifles leh Clean Lunglei te tangkawp chuan tukin zing dar 6 atanga khan program siamin Thutiam sawiho (Pledge taking), thing phun leh Lunglei khawpui chhunga hmun lun lai – AOC, Sobji Bazar, Electric Veng leh Venglai te thenfai hnatlang an nei a. 

Project Save Tlawng te chuan Centenary Lungphun, Pukpuiah nikum lama an thing phun te an hung that a, an sam fai bakah bawlhhlawh thenfai hnatlang an nei bawk a ni.

Heng World Environment Day, 2023 puala hnatlang buatsaih ah te hian mi thahnem tak an thawk chhuak a ni.