Thian duhtakte u,
Vawiin World Habitat Day ah hian in zavaiin chibai ka buk che u a, duhsakna sang ber ka hlan a che u.
United Nations Organisation chuan kum 1985 atang khan khawvel puma hman turin October thla Thawhtanni hmaa ber hi World Habitat Day-ah a puang a, kumtin thupui thlan bik neiin kumin atana thupui thlan chu "Better City, Better Life" tih a ni a, Khawpui him leh changtlung, intodelh, thianghlim leh hlimtlang taka khawsak theihna siam tura tan la tura infuihna a kawk ber awm e.
India rama khawpui tam zawkte hi a tlabalin chei that leh tuaihnum an ngai hle a, hemi atan hian Sawrkar Laipui pawhin ruahmanna tha tak JNNURM programme a kalpui mek a, hemi zar zo hian Mizoramah pawh khawpui hmasawnna atan ngawrh takin hna thawh mek a ni.
Aizawl khawpui huam chhunga miretheite tan chenna tur in 1096 lai sak tura ruahman a ni a, engemawzat chu sak mek a ni. Hei bakah hian Lunglei, Champhai, Kolasib, Saiha, Serchhip leh Mamit-ah te in 1950 lai sak tura ruahman niin engemawzat sak tan a ni tawh bawk. Aizawl Greater Water Supply Scheme Phase-I tihchangtlun hna kalpui mek a ni a, Lunglei leh Serchhip Water Supply Scheme pawh kalpui mek a ni. Aizawl Municipal Council kan nei mai dawn a, he khawpui Sawrkar ding tur hi Aizawl khawpui hmasawnna atan hmanraw tangkai tak a ni dawn a ni.
Vawiin World Habitat Day ah hian in zavaiin chibai ka buk che u a, duhsakna sang ber ka hlan a che u.
United Nations Organisation chuan kum 1985 atang khan khawvel puma hman turin October thla Thawhtanni hmaa ber hi World Habitat Day-ah a puang a, kumtin thupui thlan bik neiin kumin atana thupui thlan chu "Better City, Better Life" tih a ni a, Khawpui him leh changtlung, intodelh, thianghlim leh hlimtlang taka khawsak theihna siam tura tan la tura infuihna a kawk ber awm e.
India rama khawpui tam zawkte hi a tlabalin chei that leh tuaihnum an ngai hle a, hemi atan hian Sawrkar Laipui pawhin ruahmanna tha tak JNNURM programme a kalpui mek a, hemi zar zo hian Mizoramah pawh khawpui hmasawnna atan ngawrh takin hna thawh mek a ni.
Aizawl khawpui huam chhunga miretheite tan chenna tur in 1096 lai sak tura ruahman a ni a, engemawzat chu sak mek a ni. Hei bakah hian Lunglei, Champhai, Kolasib, Saiha, Serchhip leh Mamit-ah te in 1950 lai sak tura ruahman niin engemawzat sak tan a ni tawh bawk. Aizawl Greater Water Supply Scheme Phase-I tihchangtlun hna kalpui mek a ni a, Lunglei leh Serchhip Water Supply Scheme pawh kalpui mek a ni. Aizawl Municipal Council kan nei mai dawn a, he khawpui Sawrkar ding tur hi Aizawl khawpui hmasawnna atan hmanraw tangkai tak a ni dawn a ni.
Sawrkar laipui duhsakna leh ngilneihna rinchhanin District Headquarters leh khawpui dangah pawh kawng hrang hranga hmasawnna turin ruahmanna siam a ni a, Serchhip leh Champhai tan Solid Waste Management Project buatsaih a ni. Interest Subsidy for Housing the Urban Poor (ISHUP) hnuaiah chenna in neilote tan Rs nuai khat thleng, a pung tlemte an puk theih nan ruahmanna siam mek a ni a, Affordable Housing in Partnership hnuaiah miharsaten insakna atan loan an lak theihna tur pawh buaipui mek a ni. Hun rei vaklo ah Sawrkar Laipuiin Rajiv Awas Yojana hnuaiah insakna tur loan lak theihna tur ruahmanna a rawn siam dawn a. Hengte hi khawpuia cheng miharsate dinhmun chawikanna atana hmalakna thar a ni hlawm a, kan vannei takzet a ni.
Aizawl khawpuiah hian Sawrkar motor tlemtein vengtin fangin bawlhhlawh an khawn thin a, indaihlohna a nasat avangin duh ang pawhin hna a thawh chak theihloh tih chu mipuiten min hriatpui awm e, he harsatna sutkian anih theih nan Sawrkarin uluk taka a ngaihtuah hnuah Public-Private Partnership (PPP) system hman a rel a, he ruahmanna thar hi vawiin October ni 4, 2010 atang hian a hmang tan dawn a ni. He ruahmanna thar ah hian vengtin VC te hnenah Sawrkarin thlatin pawisa fai pein bawlhhlawh paih chu VC te mawhphurhna a ni tawh dawn a, Sawrkar pawisa pekin a daih loh chuan a bak chu vengchhung mipuiten an lo tum ve thung tawh dawn a ni. He ruahmanna thar hian khawpui vawn faina lamah nasa takin hma min sawn tir ngei ka beisei tlat a ni. Oxidation Pond Tuirial bula kan neih pawh hian kan mamawh a phuhruk zo lo hle a, heivang hian a dang siam belh turin hma lak mek a ni.
A tawp berah chuan khawpui chhenfakawm, thianghlim, hrisel leh nuam nei turin a chhunga chengte kan pawimawh ber tih hi hre reng ila. Kan khawpui a lo changtlun deuh deuh a, a micheng ten kawng tinrenga hma kan sawn theihna tura Sawrkarin hma a lakna hrang hrangte hi mipuiin hlut thiam ila, rinawm taka Sawrkar thawhpui zel turin ka ngen tak meuha che u.
Ka lawm e.
Aizawl khawpuiah hian Sawrkar motor tlemtein vengtin fangin bawlhhlawh an khawn thin a, indaihlohna a nasat avangin duh ang pawhin hna a thawh chak theihloh tih chu mipuiten min hriatpui awm e, he harsatna sutkian anih theih nan Sawrkarin uluk taka a ngaihtuah hnuah Public-Private Partnership (PPP) system hman a rel a, he ruahmanna thar hi vawiin October ni 4, 2010 atang hian a hmang tan dawn a ni. He ruahmanna thar ah hian vengtin VC te hnenah Sawrkarin thlatin pawisa fai pein bawlhhlawh paih chu VC te mawhphurhna a ni tawh dawn a, Sawrkar pawisa pekin a daih loh chuan a bak chu vengchhung mipuiten an lo tum ve thung tawh dawn a ni. He ruahmanna thar hian khawpui vawn faina lamah nasa takin hma min sawn tir ngei ka beisei tlat a ni. Oxidation Pond Tuirial bula kan neih pawh hian kan mamawh a phuhruk zo lo hle a, heivang hian a dang siam belh turin hma lak mek a ni.
A tawp berah chuan khawpui chhenfakawm, thianghlim, hrisel leh nuam nei turin a chhunga chengte kan pawimawh ber tih hi hre reng ila. Kan khawpui a lo changtlun deuh deuh a, a micheng ten kawng tinrenga hma kan sawn theihna tura Sawrkarin hma a lakna hrang hrangte hi mipuiin hlut thiam ila, rinawm taka Sawrkar thawhpui zel turin ka ngen tak meuha che u.
Ka lawm e.
