Volunteers for Community Mental Health (VOLCOMH) leh Health department hmalakna in World Mental Health Day chu vawiin khan Vanapa Hall-ah hman a ni a. Health Minister Pu Lalrinliana Sailo chu Khuallian a ni.
Khuallian Pu Lalrinliana Sailo chuan thu sawiin Bible rin chhan leh huaisenna te chu rilru hrisel pu tura thil pawimawh ber nia a ngaih thu a tarlang a. Mahni insitna leh inkhawngaihna te chu rilru hrisello zia a ni, tiin he Ni hmang tura kalkhawm zirlai te chu huaisen taka engkim hmachhawn tum turin a chah a. Rilru hrisello ram hruaituten ram an tichhia a, mahni thawh chhuah phu lova in leh lo dintu te chu rilru hrisello an ni, a ti. Pu Rinliana chuan Health department-in theih ang tawka hma a lak chhoh mek thu pawh tarlangin rilru hriselna lamah nasa zawka hma lak tul a tih thu a sawi bawk a ni.
He Ni puala inkhawm ah hian World Mental Health Day hman a nih chhan leh a thil tum te, rilru hriselna chungchang leh a pawimawhna hriatna kawnga thanharh a tul zia te, sorkar leh mipui hmalakna tur hrang hrang te mithiam ten an sawi a. Keynote Address sawitu Dr.Zoengpari, Secretary VOLCOMH tarlan danin khawvel mihring maktaduai 450 ten rilru damlohna an vei mek a; chumi zinga a zatve vel chauhin he natna hi an vei tih hriat a niin 30-50% vel lai chu natna hriat loh leh enkawl lovin an awm a. Rilru lam hrisel lohna chu Depression (Nguina) natna thlentu lian ber niin he natna hi tun atanga kum reilo te ah khawvela natna hluar ber a la ni thei dawnin hriat a ni. Dr.John M.Ralte, Dy.Director, Health & Medical Education pawhin Mental Health chungchang hi sawiin rilru damlohna thlen theitu thil hrang hrang te a tarlang a. Mihring hriselna atan taksa, rilru leh thlarau hrisel a pawimawh tlang vek tiin heng pathum te hi mihring pakhata bet tlat an nih avangin ngaihthah bik tur an awm lo a ti.
World Mental Health Day hi khawvel pumah October ni 10 ah hman thin a ni a. Kumin ah hian remchan zawkna avangin Aizawlah chuan vawiin ah hman a ni thung a. He Ni puala inkhawm hi Pi Lalparmawi, Vice President VOLCOMH chuan lawmthu sawiin a khar a ni.
He Ni puala inkhawm ah hian World Mental Health Day hman a nih chhan leh a thil tum te, rilru hriselna chungchang leh a pawimawhna hriatna kawnga thanharh a tul zia te, sorkar leh mipui hmalakna tur hrang hrang te mithiam ten an sawi a. Keynote Address sawitu Dr.Zoengpari, Secretary VOLCOMH tarlan danin khawvel mihring maktaduai 450 ten rilru damlohna an vei mek a; chumi zinga a zatve vel chauhin he natna hi an vei tih hriat a niin 30-50% vel lai chu natna hriat loh leh enkawl lovin an awm a. Rilru lam hrisel lohna chu Depression (Nguina) natna thlentu lian ber niin he natna hi tun atanga kum reilo te ah khawvela natna hluar ber a la ni thei dawnin hriat a ni. Dr.John M.Ralte, Dy.Director, Health & Medical Education pawhin Mental Health chungchang hi sawiin rilru damlohna thlen theitu thil hrang hrang te a tarlang a. Mihring hriselna atan taksa, rilru leh thlarau hrisel a pawimawh tlang vek tiin heng pathum te hi mihring pakhata bet tlat an nih avangin ngaihthah bik tur an awm lo a ti.
World Mental Health Day hi khawvel pumah October ni 10 ah hman thin a ni a. Kumin ah hian remchan zawkna avangin Aizawlah chuan vawiin ah hman a ni thung a. He Ni puala inkhawm hi Pi Lalparmawi, Vice President VOLCOMH chuan lawmthu sawiin a khar a ni.
