Vawiin chawhnu dar 2:00 khan Lunglei bawrhsap leh Chairman Anti Tobacco Squad Pu V. Sapchhunga kaihhruaina hnuai ah Saikuti Hall ah kum tin a kan lo hman tawh thin angin, World No Tobacco Day hlung taka hman a ni. He hun hman ah hian Pu Joseph Lalhimpuia Vice Chairman HPC chu khuallian a ni.

Pu Mahima chuan Vaihlo hnathawh thalo tak avanga kan sum leh pai kan senral nasat zia leh hnam pawh kan mualpho zia tarlang a, chuvang hian vawiin a he hun lo hmang tur a lokal zawng zawng te theih tawp chhuah a Vaihlo leh a kaihhnawih lam reng reng kan hnam tan leh keimahni tan athalo a ni tih hria a do turin kalkhawm te chu a chah a. Khawvel ah hian thiamna nei mi tam tham tak kan awm a, an thiam na hmang hian sum tam tak anla lut thin a ni. Zuk leh hmuam lama fakna lam ah leh thil dang hmuamchi lam fakna ah te hian sum lakluh phal a nilo a ni, a ti bawk. Mizoram ah hian Zuk leh hmuam ti mi 60% lai kan ni ta mai hi a hnam ang pawn a mualpho thlak hle a chuvangin Mizoram hi tun a tanga zuk leh hmuam kawng tin reng atanga khai chhuaktu theuh kan ni thei a ni, ti in, kalkhawmte chu a chah bawk a ni. Kan ramin hma a sawnna tur chuan hrisel na hi a pawimawh tak zet a, zuk leh hmuam ti mi te reng reng mihrisel an awm ngailoh thu a sawi a. Kan ram, kan hnam, hnamdang te laka ti hming tha tu kan ni thei a ni tih hre rengin theih tawp in zuk leh hmuam hi do tlang theuh turin kalkhawmte a chah a ni.

Vawiin a WNTD pual a hun hman ah hian thupui thlanbik neih ani a. ‘Ban Tobacco Advertising, Promotion And Sponsorship’ tih thupui hmang in Pu Z.T Vawra. Hmar Dist. Co-Ordinator, South Mizoram chuan zuk leh hmuam tih lar nan emaw fakmawina lam poster leh a kaihhnawih reng reng ngaipawimahlo te chu Sponsorship bakah scholarship thlenga pek phal a nihlo thu te a tarlang a. Dr. Lalremmawii SMO pawhin thu sawina hun a nei in, Dr. S.R Ngurchamliana District Focal Point, NTCP & Anti Tobacco Squad member Secretary ni bawk chuan lawmthu sawina hun a hmang bawk a ni.