August ni 6 hi YMCA te chuan khawvel pum huapa remna ni ‘World Peace Day’ ah a hmang thin a. He ni hi Indopui II na laia America in Japan khawpui pakhat Hiroshima a atom bomb a thlak ni champha a ni a. He ni ah hian Hiroshima leh khawvel hmun hrang hrangah te chuan inremna ni atan hman thin a ni. Mizoram-a YMCA President Pu P.C. Zoram Sangliana, Transport Minister nibawk chuan he ni pual hian Zoram mipuite hnenah thuchah siamin Mizo tlawmngaihna pawh hi inremna leh inhmangaihna thinlung atanga chhuak kristian-te tan phei chuan Isua Krista lokal chhan leh a thu ken pui ber anih thu a tarlang a. Zoramah ngei pawh remna leh muanna kan neih vawng nung reng turin mi zawng zawng a sawm a ni.
A thuchah ah chuan YMCA President chuan Hiroshima khawpuia America in atom bomb a thlak dan chipchiar a sawi a. Mi pawisawi lo nunna 2,37,062 lai chan anih dan te, Indopui laia Japan ral kuta thi zingah Mizo 35 lai an tel thu te tarlangin khawvel-ah remna leh muanna hlutzia a sawi a. Mizoram chungchang bik sawilangin kum 20 zet rambuaia kan awm atanga remna neih theihna tura CM tanglai Pu Lal Thanhawla inpekna te, Kohhran leh tlawmngai pawl hrang hrang thawhrimna te bakah mahni do ngei laka intulut tura tlawm ngamna Pathian pek dawngtute chungah Pu P.C. Zoram Sangliana chuan lawmthu a sawi a. Tunhnai lawkah Mizoram chhungah ngei pawh ralthuam chelek a ramhnuaia awm thalai rual 60 chuang zet ten nunphung pangngai zawh tura an ralthuam nena an rawn intukluhna te hian remna leh muanna atana thawktute thawhrim zia leh hlutzia a tilang a ni a ti a.
Khawvel thiamna sang leh ralthuam a inelna namenlo karah hian mitinin remna leh muanna kan neih theih nan Pathian hnena inhlan thara dil theuh turin YMCA President chuan a sawm a ni.
Khawvel thiamna sang leh ralthuam a inelna namenlo karah hian mitinin remna leh muanna kan neih theih nan Pathian hnena inhlan thara dil theuh turin YMCA President chuan a sawm a ni.
