Nimin (August ni 3) khan YMA Kawnpui Chhim Veng Branch te chuan an Branch din cham kum 75 na (Platinum Jubilee) lawmna chu ropui takin Chhim Veng Hall ah an hmang.

He Jubilee Lawmna inkhawm hi Branch President Pu Rochuhthang an a kaihruai a, Pu Hmingdailova Khiangte MLA, Parliamentary Secretary ni bawk chu khuallian niin a hmapui. Pu Hmingdailova chuan Jubilee Lawmna thu sawiin, Kawnpui Chhim Veng Branch in Platinum Jubilee hmang thei a a awm chu lawmawm a ti a, Branch YMA chak leh nung tak a ni tih chu ram leh hnam humhimna kawng a a lawmman lo lak tawh te thlir hian a hriat theih mai a ni a ti.

Khuallian chuan Mizoram dinhmun a hmuh dan sawiin Mizoram chu ram nuam tak, a chhunga chengte pawh mi tha tak tak te kan ni a, chutiang a nih vang chuan ram pawn lam atang pawhin rawn awm chakin mi tam tak an lo lut a, chung ho te chuan sualna chi hrang hrang te rawn chhawm lutin kan ram chuan run tu a ngah ta hle a ni, chung sualna langsar tak tak te chu AIDS, Drugs, ruihhlo chi hrang hrang te an ni, chung chuan kan ram chhungah thil thalo tam tak a lo hring chhuak a, heng ang lakah hian inven dan tur chungchang ruahmanna fel tak kan neih a tul tak meuh a ni a ti. Kan ram mipui tlem te kan in hum him na atana ILP kan nei hi kan vannei tak meuh a, sakhaw hrang hrang ten kan ram a run mek a, kan ram ah ruih hlo avangin mipa dinhmun a hniam zel a, a bik takin mipa ten tan lak thar a ngai hle a ni. Intodelh lo ram kan ni a, BPL nih kan zak lova, kan neih chhun chhun in mi neinung zawk te neih ang kan lei ngam a, zawmthaw takin hna kan thawk a. Ni za inhlawhna a thawk mang lova hlawh puitling lak kan beisei leh si te hi sim a hun ta, mizo ram khaw then khat ah BPL an awm lo ngam chu a fak a, chawimawi tlak a ni a ti a. Heng kan ram min run tute hi beih let a an mahni run let ve thei tura kan YMA nula tlangval ten tan kan lak a hun ta a ni a ti.

Pu Vanlalruata Central YMA Vice President pawh in thu sawiin, YMA te hma lakna a zauh thu leh kum puan hma lakna a tam thu sawiin, ruihhlo dona kawngah kan tan rual a ngai a, kan hnam nun zia pho lang thei tur a hma lak a ngaih thu uar takin a sawi bawk.

Tv C. Lalhruaitluanga Branch Secretary in reports pe in an Branch chhungah Member 149 Hmeichhia, 390 mpa awm in an vaiin member 539 an awma, hmalakna reportin, An Hall hmanlai chu sak that tum mek a ni a, hemi atan hian MP Fund - Rs 550000 leh MLA Fund Rs 301400 an dawn tawh thu a tarlang.