Vawiin hian Pi Vanlalawmpuii Chawngthu, Hrangturzo bialtu chuan Piler Branch YMA Rising Day vawi 72 na a hmanpui a. Khawlailung VC Volleyball Tournament hawnna a hmanpui bawk.

Piler Branch YMA Rising Day lawmnaah hian thu sawiin, YMA chu Zofate zawng zawng kan lenna a ni a, YMA member zawng zawngte chu Kristian nundan tha ngaisangtu mai nilova nunpuitu ni turin a chah a. Zofaten hmasawnna kan neih zel theih nan YMA thupui Zafate hmasawnna ngaihtuah tih chu chawi nung zel turin a chah bawk.

Nakkuma YMA General Conference lo awm tur chu a bial chhung N. Vanlaiphai khuaa nghah ani chu lawmawm atih thu sawiin, tun atangin inbuatsaihna pawh thawh tan nghal anih thu a sawi a, he hun atan hian bial chhung mipuite chu a thlengtu tur bial annih anga tang tlang turin a sawm a ni.

Piler Branch YMA din champha vawi 72 na lawmna hun hi Community Hall, Piler ah hman ani a, Pu Pc Laldintluanga, President Piler Branch in kaihruaiin, Pu R. Lalremkunga, President, YMA Tuichangral South Group leh hruaitu dangten an hman pui a ni.

Hemi hnu hian Khawlailung VC Volleyball Tournament, Pi Awpi Volleyball Court, Khawlailunga neih chu hmanpui lehin sawrkarin thalaite hmasawna tur tam tak a ngaihtuahte a hlawhtlinna kan hmu zel ani a ti a, infiamna chi hrang hrang atan hmunhma tha tak tak buatsaih anih chuan rah dhuhawm tak a chhuah zel a. Thalaiten ram pum huap inelna chi hrang hrangah lawman an dawn thu hriat tur a awm thin chu lawmawm a tih thu sawiin, tun aia nasa lehzuala hma kan sawn theih nan tan la thar zel turin infiam mite a chah bawk.

Khawlailung faina kawnga hmalakna atan Pu Thangbawiha, VCP Khawlailung kaihhruaia khawlai dung bawlhhlawh an chharte chu Minister hian a hal ral nghal bawk a ni.