Nimin khan YMA Sub-Hqrs Lunglei buatsaih YMA Branch hrang hrang Zaipawl intihsiakna Saikuti Hall Lunglei a neih chu Pu S.Laldingliana, Parliamentary Secretary chuan a hawng. He Inkhawm hi Pu C.Lalzarliana, Vice-Chairman YMA Sub-Hqrs Music Committee in kaihruai in Pu R.Chhuanvawra, Treasurer YMA Sub-Hqrs Lunglei in hunserh a hmang bawk a ni.
Khuallian chuan thu sawiin YMA Puanzar hnuaiah chuan mi zawng zawng kan leng vek a, kan vanglai hun theuh hi midang tanpui nan leh khawtlang tan hmang ila,Pathian rawngbawlna pawimawh tak a ni, ati. A sawi zel naah Pu Dinga chuan Chhimlam pawhin hma kan sawn nasa hle a,tunah hian Saitluk Airport siam nan Rs.250 Crores hmuh ani mai dawn a,khawthlang lamah Indo-Bangla Border Trade atan a Integrated Check Post sak nan Rs.5 Crores ruahman pawh a tak a chang chho dawn ta a,tun thla hian Central atanga Engineer lo kal in a rawn endik ang a,kei ngei pawh Chief Minister nen Dhaka ah kalin Bangladesh nena insumdawn tawn dan tur sawi in reilote ah a hlawhtlinna tak hmuh thuai ka beisei a ni, a ti.
Vawiin YMA Sub-Hqrs Lunglei Buatsaih Branch YMA Zaipawl intihsiak ah hian Lunglei District chhung YMA Branch 9,Chanmari,Cherhlun, Farm Veng , Ramthar, Thangte, Bazar Veng , Zotlang, Venglai leh Zobawk Venghlun ten intihsiakna hi an bei a,Solfa leh Lengkhawm zai a intihsiakna neih ani. He intihsiakna ah hian 1st Farmveng Prize Rs 10000 leh dekchi lian, 2nd Chanmari Rs 7000 leh dekchi, 3rd Cherhlun Rs 5000 leh Dekchi.
Vawiin YMA Sub-Hqrs Lunglei Buatsaih Branch YMA Zaipawl intihsiak ah hian Lunglei District chhung YMA Branch 9,Chanmari,Cherhlun, Farm Veng , Ramthar, Thangte, Bazar Veng , Zotlang, Venglai leh Zobawk Venghlun ten intihsiakna hi an bei a,Solfa leh Lengkhawm zai a intihsiakna neih ani. He intihsiakna ah hian 1st Farmveng Prize Rs 10000 leh dekchi lian, 2nd Chanmari Rs 7000 leh dekchi, 3rd Cherhlun Rs 5000 leh Dekchi.
