Disaster Management & Rehabilitation Department leh Central YMA tangkawpin vawiin khan YMA Sub Hqrs Hall-ah Lunglei khawpui chhunga YMA Branch hrang hrang atanga Volunteer thlanchhuahte tan chhiatrupna laka invendan ‘Community Awareness Programme on Disaster Management-cum-Training for YMA Volunteers’ buatsaih a ni.

He hunah hian Lunglei District Organiser, DM&R Pu Lungduhsanga bakah CYMA aiawhin General Secretary Pu Vanlalruata leh DM Sub-Committee member engemawzat telin chhiatna rawn thleng a nih pawhin chhanchhuana hna mumal taka thawh dan tur inzirtirna an nei a ni. Medical Officer, Lunglei Civil Hospital Dr.Vanlalfela pawhin ‘First Aid’ chungchang zirtirna pein, YMA Sub-Hqrs. President Pu R.Lalnunthara-in Training kharna hun a hmang a ni.