Vawiin dar 11 khan School Education Department leh DP&AR buatsaihin Chanem-a I&PR Conference Hall-ah Youth Parliament Competition 2010 neih a ni a, Govt. G.M. Higher Secondary School leh Govt. Champhai High School zirlaiten English leh Mizo in Assembly Session lemchanna hmuhnawm tak an entir a, he hun hi Pi K. Vanlalrawni, Under Secretary, DP&AR leh Pu R. Lalthakima, Deputy Director, School Education Department ten an hmanpui.
He inkhawm, Pu Lallawmthanga, DEO Office Assistant kaihhruaiah hian Pi K. Vanlalrawni, U/S DP&AR chuan Youth Parliament Competition thil tum sawi fiahna a nei a, he scheme hi Commonwealth (British awp thin ram hrang hrang inzawmkhawmna) atanga lo chhuak a ni a, hei hi sawrkar laipui chuan a taka kalpuiin Mizoramah pawh kum 2007 khan Mizo tawngin Aizawl-ah neih a ni tawh a, kumin 2010 ah hian District 4, Lunglei, Saiha, Lawngtlai leh Serchhip ah neih a ni tawh a, karleh khian Mamit leh Kolasib District ah neih a ni leh ang a, a tawpna atan Aizawl-ah neih leh a ni ang, a ti. Pi Rawni chuan September ni 15 khian a kharna chu Aizawl Vanapa Hall-ah neih a ni ang a, District tin atangin School aiawh pakhat theuh tirh tur a ni a, Aizawl-ah chuan School a tam avangin School pahnih an tir thei ang a, he hunah hian High School 9 leh Higher Secondary School 9 te an intihsiak dawn a ni, a ti. State Level intihsiakna neih hunah hian lawmman pakhatna atanga pathumna siam a ni ang a, School dang tan Special Prize pek an ni bawk ang. Final neih hunah hian lawmman 4 siam a ni dawn a, Best House Leader, Best Opposition, Best Debator leh Best Speaker thlan a ni ang, a ti.
Pi Rawni chuan Democracy rorelna hnuaia awm kan ni a, kan ram inrelbawlna te hi Assembly House-in an passed hnua kalpui a ni a, chuvangin mipuite hian Assembly Session kalphung kan hriat a ngai a, nakin lawka kan ram hruaitu la ni tur vawiina zirlaite phei hi chuan an hriat chian lehzual a ngai a ni, a ti. Vanapa Hall-a Final kan neih huna a titha te chu National Level intihsiaknaah kaltir an ni ang a, London-a Parliament Session chhim tura kaltir hial te pawh kan la tum a ni a ti bawk.
Youth Parliament Session 2010 hi thawh hnih a then a ni a, thawk khatnaah GM Higher Secondary School zirlaite chu Group 2 a inthenin English-in Assembly Session hun an hmang a, lawmman latute chu : 1) Lalmuansanga Cl-XII (Sc.), 2) Vanlalruata Cl-XII (Arts), 3) K. Vanlalzarliani Cl-XI (Sc.) te an ni. A thawh hnihnaah Govt. Champhai High School zirlaiten Mizo tawngin Assembly Session hun hi an hmang leh a, lawmman latute chu : 1) Gospel Lalherliana Cl-X, 2) Jire Lallawmzuala, Cl-X, 3) Zosiamkimi Cl-X te an ni a, heng lawmman te hi DIPRO Pi K. Laldingliani'n a sem a ni.
Pi Rawni chuan Democracy rorelna hnuaia awm kan ni a, kan ram inrelbawlna te hi Assembly House-in an passed hnua kalpui a ni a, chuvangin mipuite hian Assembly Session kalphung kan hriat a ngai a, nakin lawka kan ram hruaitu la ni tur vawiina zirlaite phei hi chuan an hriat chian lehzual a ngai a ni, a ti. Vanapa Hall-a Final kan neih huna a titha te chu National Level intihsiaknaah kaltir an ni ang a, London-a Parliament Session chhim tura kaltir hial te pawh kan la tum a ni a ti bawk.
Youth Parliament Session 2010 hi thawh hnih a then a ni a, thawk khatnaah GM Higher Secondary School zirlaite chu Group 2 a inthenin English-in Assembly Session hun an hmang a, lawmman latute chu : 1) Lalmuansanga Cl-XII (Sc.), 2) Vanlalruata Cl-XII (Arts), 3) K. Vanlalzarliani Cl-XI (Sc.) te an ni. A thawh hnihnaah Govt. Champhai High School zirlaiten Mizo tawngin Assembly Session hun hi an hmang leh a, lawmman latute chu : 1) Gospel Lalherliana Cl-X, 2) Jire Lallawmzuala, Cl-X, 3) Zosiamkimi Cl-X te an ni a, heng lawmman te hi DIPRO Pi K. Laldingliani'n a sem a ni.
