Vawiin khan sorkar laipui hnuaia Rajiv Gandhi National Institute of Youth Development (RGNIYD), Ministry of Youth Affairs & Sports, Sriperumbudur, Tamil Nadu leh Mizoram Youth Commission tangkawpin an buatsaih, Youth Resource Centre chu Mizoram Youth Commission Chairman, Pu Hmingdailova Khiangte chuan anmahni office-ah a hawng.
Pu Hmingdailova Khiangte chuan thusawiin Mizoram Youth Commission hmalaknaa Youth Resource Centre din a lo ni ta chu lawmawm a tih thu leh din a nih chhan ang ngeia, Mizoram thalaiten an hman tangkai ngei a beisei thu a sawi.
Hawnna inkhawm hi Mizoram Youth Commission Member, Dr. Vanlalchhawna’n kaihruaiin, Pu R. Lalhmangaiha, Member, Mizoram Youth Commission-in hunserh a hmang a. Secretary, MYC-in Report pein, sawm bik, State Co-ordinator for RGNIYD leh Professor, Department of Public Administration, Mizoram University ni bawk, Prof. Srinibas Pathi ten thu an sawi a ni.
Youth Resource Centre dinna tur hian Mizoram Youth Commission leh RGNIYD hian thawhhona thuthlung (Memorandum of Settlement) an ziak a, MYC lam hian building leh thawktu an tum a, RGNIYD hian Computer set leh bungraw dang leina an tum thung a ni.
He inkhawm hi Mizoram sorkara official pawimawh, NGO aiawhte leh Tiny Tots HSS Principal, thawktu leh zirlaite bakah midang thahnem takin an hmanpui a, MYC Member, Dr. S.R.Zonunthara chuan lawmthu sawiin hun hnung a khar a ni.
