1793/2022-2023
Mamit 2nd September, 2022 : Nimin khan Ministry of Women & Child Development-in ruahmanna a siam angin Rashtriya Poshan Maah (National Nutrition Month) hawnna hun Zawlnuam ICDS Project- ah neih a ni a. He hun hi Pu Ngulzathuma BDO & SDO (Civil)-in a kaihruai.

Chairman kaihhruainain thuthiam (Pledge) sawi rualna neih a ni a, Nutrition Month chhunga hmalak dan tur hrang hrang sawi ho zui a ni. Pi Lalnunpari Hmar, CDPO leh Dr. Lalruattluanga, Medical Officer, Zawlnuam PHC te hnen atangin thusawi ngaihthlak a ni a. Zawlnuam ICDS Project huamchhunga Anganwadi Centre hrang hrangah Nutrition Month launching programme hi hman a ni.

Ruahmanna angin 1st Sept - 30th Sept thleng Nutrition Month hman tur a ni. Poshan Abhiyaan (Nutrition Mission) hnuaiah he hun hi duan a ni a, he Scheme-in a tum bulpui ber chu, Naupang thanthu leh naupang bukzang lutuk (malnourished) tih tlem, nu leh tleirawl hmeichhiate zingah thisen tlakchhamna (Anaemia) tih tlem, naupiang buk zang (low birth weight) tih tlem leh khawtlang hriselnain hma a sawn zel theih nana kawng hrang hranga hmalakte a ni.