3999/2023-2024

Khawzawl 28th. February, 2024 : Zoram Energy Development Agency (ZEDA) leh Ministry of New & Renewable Energy, Govt. of India tangkawpin nimin khan Govt. Khawzawl College zirlaite tan Govt. Khawzawl College Multipurpose Hall-ah Seminar on Renewable Energy an buatsaih a, vawiinah Govt. Khawzawl College Zirlaite hi Mizoram a Solar Park lian ber, Vankal Solar Park an tlawhpui a ni.

Nimina Renewable Energy pawimawhzia leh a hmanna hrang hrang zirhona buatsaihah hian Er. Malsawmdawngliana, Project Director, ZEDA in Programme sawi hawnna neiin Er. Ngursailova Sailo, Director, ZEDA, Pu H. Vanlalhruaia, Asst. Professor, HOD, Economics Department, GKC ten thu an sawi a, Subject thlan bik te hmangin Er. Maria Goretti Malsawmdawngkimi, Er. Vanlalchuanga, Er. Mary Lalngaihzuali, Er. Benjamin Vanlallawmkima leh Er. Thantluanga ten College zirlai naupangte hrilhhriatna an nei a, hemi zawhah hian sawihona an nei leh a ni.

Vawiinah hian ZEDA hotute leh mithiamte kaihhruaina in Vankal Solar Park, Power MW 20 pe chhuak thei chu a hmunah kalin an tlawh a, hetah hian Govt. Khawzawl College zirlai 70 leh GKC Teaching & Non-Teaching Staff 12 an kal tel bawk.