No.1364/2021-2022

Aizawl 12th July 2021:  Aizawl DC chuan Zemabawk North hmun thenkhat Containment Zone/Area-ah puan a nih thu a chhuah a. Hemi chungchanga DC thuchhuah chu a hnuai a mi ang a ni e. 

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin, Zemabawk North hmun thenkhat chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Zemabawk North a hmun tarlan te hi ni 12.07.2021 (Thawhtanni) Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide  Order  No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak  tur a ni lova,  veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

ZEMABAWK NORTH Containment Zone/Area:

Section 5 area:

1. Pi Lalziki in atanga Field Veng Presbyterian Biakin thleng. Dinthar road lamah Pu Lalbiaksanga Chhangte in thleng.
2. Pu H Lalrintluanga in atanga Pu Khawtinthanga in thleng, hemi bakah hian NREGS kawng chunglam zawng a huam tel ang.

(Total Number of Household contained – 82)

Buffer Area:

1. Sericulture farm area.
2. Sericulture farm area chuan hnuailam section 5 area huamchhung zawng.
3. Pu Khawtinthanga kawmthlang atanga NREGS kawng chuan hnuai zawng.

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.