4754/2025-2026

Aizawl the 10th March, 2026 : State Election Commission chuan VII/5 - Zemabawk West Local Council Constituency inthlanna March ni 25, 2026 a neih turah hriattur hrang hrang a hnuai ami ang hian a chhuah:

1. CAMPAIGN PERIOD TAWP HUN: March ni 23, 2026 tlai dar 5:00PM atanga March ni 25, 2026 tlai dar 5:00 PM chhungah campaign neih phal a ni tawh dawnlo.

2. DOCUMENT HMAN THEIH: Vote inthlaksak emaw vote thlak nawn a awm loh chuan voter te nihna tichiangtu turin Document engemaw ber hmangin Presiding Officer/Polling Officer hmaah an hmuh tur a ni:

(i) Elector's Photo Identity Card (EPIC), ECI in a tih chhuah
(ii) Aadhaar Card
(iii) Passport
(iv) Driving License;
(v) Income Tax Identity (PAN) Card,
(vi) State/Central Government, Public Sector Undertakings, Local Bodies emaw Public Limited Company-te'n an hnuaia hnathawkte hnena an pekchhuah thin Service Identity Card,
(vii) Heng Public Sector Banks /Post Office atanga lak chhuah Passbook leh Kisan Passbook
(viii) Property Documents heng Patta, Registered Deeds, etc. thlalak chuanna,
(ix) Thuneitu ruat bikte hnen atanga lakchhuah SC/ST/OBC Certificate leh Residential Certificate,
(x) Pension Documents, heng Ex-servicemen's Pension Book/Pension Payment Order, Ex-servicemen's Widow/ Dependent Certificate, Old Age Pension Order, Widow Pension Order,
(xi) Pianphunga rualban lo te hnena Certificate pek, thlalak chuang, thuneitu ruat bikte hnen atanga lak chhuah;
(xii) Head of Institution-in a tihchhuah Student's Identity Card,
Heng document-te hmang lo a vote thlak tir an awma vote inthlaksak leh thil dik lo hmuh chhuah a nih chuan Presiding Officer leh Polling Officer-te'n mawh an phur ang.

3. SORKAR HNATHAWKTE MODEL CODE OF CONDUCT BAWHCHHE LO TURA HRIATTIRNA: Sorkar hnathawk chu election campaign kaihhnawih emaw, contesting candidate do zawngin emaw an telin an che tur a ni lo a. Election campaign kaihhnawih ah Minister ah tawiawm thianglo a, thusawi leh langsar taka tel phalsak an ni lo. Hnathawhnaah political party te nen indawr a ngaih pawhin khawi party mah tan bik a nei tur a ni lo. Code of Conduct bawhchhiatna a awm chuan Central Celivil Services (Classification, Control and Appeal) Rules, 1965 hnuaiah a chungthu ngaihtuah sak theih a ni ang.