Vawiin atang khan Lunglei Dist chhunga Naupang kum 5 hnuailam te hnenah Zeng Hri danna pek beihpui thlak tan a ni. Hemi pual hian vawiin chawhma dar 10:00 khan Lunglei Salem Veng Health Sub Centre ah hawnna inkhawm buatsaih niin, Dr.VLMS.Dawngliana CMO Lunglei chuan inkhawm a kaihruaia, he huna khuallian Pi Saizikpuii Sailo SDO (S) Lunglei chuan thu sawiin, Zeng Hri hi India ramah umbo tawh ni a, ngaih nimahse, kan ram thenawm leh khawvel hmun hrang hrangah umbo a la niloh avangin hun engemaw chen chu a venna hi kalpui a la ngai a ni tiin, naupang kum 5 hnuailam zawng zawng te chu eitir vek tur a ni a ti. Dr.Lalawmpuia D.I.O chuan he programme kalpui dan tur report pein, Lunglei Dist ah Zeng Hri danna pek ngai naupang kum 5 hnuailam sing 1, sang 5, 113 target an awm thu leh Booth 219 ah Zeng Hri danna hi pek a nih tur thu a sawi.

Lunglei district chhung khaw tina Booth hrang hrang siamah heng Zenghri danna hi naktuk thleng pek an ni anga, henga an pek bak dap chhuaka pe turin naktip atang hian thawktute an vak chhuak leh dawn bawk a ni.