No.2187/2021-2022
Aizawl 10th September 2021: Higher & Technical Education hnuaia Technical Wing chuan Mizoram State Council for Technical Education (MSCTE) hmingin nimin khan State Medical and Technical Entrance Examination (SMATEE), 2021 chu hlawhtling takin an buatsaih.

Exam diltu zawng zawng 1554 atangin zirlai 1322 (85%) in exam an ziak a. Zirlai 232(15%) an exam theilo. Exam theilo zingah hian Covid-19 positive 11 leh Home Quarantine lai 75 an tel a. Heng COVID- 19 vanga exam theilo te tan hian State Executive Committee (SEC) permission lak a nih hnuah a hranpaa exam buatsaih sak leh an ni ang.

Exam hi centre 6 - Pachhunga University College, Govt. T.Romana College, Synod Higher Secondary School, Govt. Mizo Higher Secondary School, Govt. Mizo High School leh Mizoram Polytechnic, Lungleiah te neih a ni a. Mizoram Polytechnic, Lunglei chhim lam zirlaite tan a vawikhat nan enchhinna (purely on trial basis) atana buaitsaih a ni.

Higher & Technical Education Department chuan Exam Centre hrang hranga hotute leh exam conduct tute chungah thahnemngai taka an thawh avangin lawmthu an sawi a ni.