Vawiin khan Champhai DC Conference Hall, Keifangtlangah Champhai District a Sikul Naupangte Hriselna kaihhnawiha Committee pawimawh tak, Convergence Committee on School Health Programme an thukhawm.
Thutkhawm ah hian Agenda hrang hrang chhawpchhuah te chu sawiho an ni a, Thisen tlakchham venna Damdawi WIFS (Weekly Iron Folic acid Supplementation) leh Rulhut Damdawi te chu Sikul naupangte hnenah a hun taka pek an nih theih nan a semchhuah kawnga harstana hrang hrang awmte chu a sutkian dan tur rel a ni. Hemi a tan hian Block Resuorce CoOrdinator (BRC) leh Cluster Resource CoOrdinator (CRC) te chuan Block leh Cluster levela Damdawi lak leh semchhuah kawngah mawhphurna la se tia rel a ni a. Hemi bakah hian Sikul hrang hrangah School Health Programme chu tha taka kalpui a ni leh niloh chu Block Development officer (BDO) ten tehfung hrang hrang Health Screening (Hriselna endikna) kum 1 a vawi 1 neihtur, Zirlai Naupangten WIFS Tablet an dawng ngei em, Sikul tin ten WIFS monthly Report an thehlut em, Screening Card leh Health Card an vawng tha em, Mid-day meal an dawng tha em tih te hmangin an endik thin dawn a ni.
Thutkhawm kaihruaitu Pu Vanlalngaihsaka, IAS, Champhai bawrhsap ni bawk chuan School Health Programme chu Department hrang hrang kaihhnawih a nih avangin hlawhtling tur chuan thawhhona tha a pawimawh thu a sawi a. He thutkhawmah hian School Health Programme kaihhnawiha Department Health, Education leh Social Welfare Official te an tel a ni.
