Vawiin chhun dar 12:00 ah Vanpa Hall ah MSU buatsaih in HSSLC-a Mizo zirlai tithat chawimawina hun hman a ni. He hun hi P.C. Lalrinhlua, Vice President, MSU in a kaihruai a ni. He huna khuallian Pu Lalsawta, Education Minister in thusawina nei in he chawimawina hun hlu tak MSU in a buatsaih thu ah lawmthu a sawi. A sawi zelna ah Minister chuan Mizoram ah Missionary hmangin zirna kan neih tan atangin kumza vel chauh a ni a ; chutichung chuan India ramah kan langpha hi a lawmawm hle a ni, a ti. Chutiang anih mek lai chuan kohhran sikul tha tak sawrkar ah kan lak hnu in sawrkar sikul a tlahniam hle hi a pawi hle a ni, a ti. Tunah chuan Mizoram zirna siam that hi sawrkar in a tum a, chumi atan chuan Education Reform pawh din in a report angin sawrkar in hma a la dawn a ni, a ti. Mizote hi zirna hmangin kan dingchhuak thei a ni tih kan hria a; chumi tihlawhtling tur chuan Continous and Comprehensive Evaluation (CCE) Mizoram in kan hmang dawn a ni, a ti. Chumi ah chuan sikul naupang leh nu leh pa kan tan tlan a ngai dawn a ni, a ti bawk. Sawrkar chu a kal tum kawngah a chiang a, chumi lo hlawhtlin nan chuan pawl hrang hrang te thawhhopuina pawh kan mamawh dawn a ni, a ti. Khawvela mi hlauhawm te hi mi beidawngte  an ni a ; chutiang taka kan in ven nan chuan mitin zirna tha, khawtlang nun siam tha thei kan in pek a ngai a ni, a ti. Mizote hi dan leh dun ah pawh kan chian a ngai a ; motor kan chuan pawhin public carrier ah ngei kan chuan a, a rem rem a chuan mai mai loh te hi kan zir a ngai a ni, a ti.

Pu S. Laldingliana, Parliamentary Secretary, Khual zahawm pawhin thu sawiin zirlaite hi kohhran leh tlawmngai pawl ah te kan in hman pawh in a pawimawh ber kan zirlai ah kan hun tam ber kan pek a, thiam na tak tak nei turin kan zir taihmak a ngai a ni, a ti. Hnam dang te hnunga kal lovin hnam dange hmaah kal i tum ang u, a ti bawk.

Zirlai titha chawimawi te hi heng a hnuai a mite hi niin pakhatna hnenah Rs. 5,000/- leh citation pek an ni a ; pahnihna hnenah Rs. 3,000/- leh citation leh pathumna hnenah Rs. 2,000/- leh citation pek theuh niin heng lawmman te hi khuallian leh khualzahawm ten an hlan a ni.

    ARTS

1.    Lalthakima Chhangte
    s/o Biakkhuma Chhangte
    Home Missions School.

1.    Jonellie V.L. Rinpuii
    d/o Lalmalsawma
    Govt. Chaltlang Higher Secondary School

2.    Lalhmingsangi
    d/o  Vanlalchhuanga
    Govt. Chaltlang Higher Secondary School

3.    Lalhmingmawii
    d/o C. Khawlthuama
    Home Missions School.
        
    COMMERCE

1.    K.C. Malsawmtluangi
    d/o Biakchungnunga
    St. Paul's Higher Secondary School

2.    K.C. Lalhungchhunga
    s/o K.C. Lalzauva
    Govt. Mizo Higher Secondary School

3.    C. Vanlalruati
    d/o C. Sangkhuma
    Govt. Mizo Higher Secondary School

    SCIENCE

1.    P.B. Lalnunsanga
    s/o P.B. Laltanpuia
    St. Paul's Higher Secondary School

4.    Lalrinhlui Renthlei
    d/o R. Dawngsangliana
    St. Paul's Higher Secondary School

5.    C. Zobiakhlui
    d/o Lalzorama
    Govt. Mizo Higher Secondary School

5.    Varthangpuii
    d/o L. Khuma Varte
    St. Paul's Higher Secondary School