Mizoram Legislative Assembly-a Government Deputy Chief Whip Pu R.L.Pianmawia chuan zirlaite hi ram leh hnam tana mi pawimawh nakin lawka ram, khawtlang leh kohhran hruaitu turte an ni a ti a. He thu hi vawiina Govt. Aizawl North College in zirlai lut thar te lawmna inkhawm Archives Hall, Babutlang-a an neihah a sawi a ni. Dy. Chief Whip chuan zirlai pawl leh sawrkar ten thawhhona tha tak an neih chuan ram tan a chhenfakawm thin a ni, a ti a. Amah chu rethei leh khawsak harsa tak chunga lehkha zir chho a nih thu sawi chhuakin tunlai khawvel a zirlaite chu an vannei tawh hle a. Tunlai khawvel thiamna hrang hrang leh nu leh pa te thawhrah in thui tak tak lehkha an zir thei tawh a ni a ti a, hei hi hmang tangkaia taima taka lehkha zir turin zirlaite a fuih a ni.
Pu R.L.Pianmawia hian Student Union buatsaih Annual Magazine 2008-2009 a tlangzarh nghal.
Vawiina Aizawl North College in Freshers’ Social an neih hi Student Union hruaituten an kaihruaia. An Principal Pu Vanlalduha pawhin thu a sawi a. Kum kalta chhunga he College in activities a neih hrang hrangte report a ni. Aizawl North College hian tun dinhmunah zirlai 450 a nei a, Teaching Staff 30 leh non-Teaching Staff 20 an awm mek.
Vawiina Aizawl North College in Freshers’ Social an neih hi Student Union hruaituten an kaihruaia. An Principal Pu Vanlalduha pawhin thu a sawi a. Kum kalta chhunga he College in activities a neih hrang hrangte report a ni. Aizawl North College hian tun dinhmunah zirlai 450 a nei a, Teaching Staff 30 leh non-Teaching Staff 20 an awm mek.
