Vawiin chawhma dar 11:00 khan Mizoram School Education Department (Mid-Day Meal), Mizoram SSA Mission leh The Salvation Army, India Eastern Territory te chuan School Education Department Conference Hall-ah Thawhhona Thuthlung (Memorandum of Understanding) an ziak fel ta. He hun hi Pu F.Lalhluna, School Education Dept Jt.Director-in kaihruaiin Major Sangchhunga, Divisional Commander, Central North Division-in Pathian hnena inhlanna hun a hmang a, Pu Robert Romawia Royte chuan Thawhhona Thuthlung lo zik chhuah dan report a pe bawk.
Salvation Army lam atanga thu sawitu Lt.Col.Lalngaihawmi, Chief Secretary, The Salvation Army, India Eastern Territory chuan Naupang rethei leh chanhai zawk ten Zirna tha an mamawh thu leh chu hna thawk thei tura Mizoram Education Department, SSA Mission leh Salvation Army ten Thawhhona Thuthlung an sign thei ta chu lawmawm a tih thu a sawi a. Salvation Army School, hmun kilkhawr tak tak a mi ten Zirlaibu leh Mid-day Meal an dawng ve thei dawn ta chu lawmawm a tih thu leh Pathian Rawngbawlna pawimawh tak ni a a hriat thu a sawi bawk.
He hun hman puitu Pu K.Riachho, IAS, Education Secretary chuan SSA hi Huapzo Programme a ni a, Kohhran leh Tlawmngai Pawl, Zirna Siam that duh tute chu thawhpui theih an nih thu leh chu Zirna Siamtha tur hian CYMA leh MHIP te bakah Mizoram Presbyterian leh Baptist Kohhran te nen pawh kum 2007-a Thawhhona Thuthlung an lo ziah tawh thu a tarlang a. Chu an thawhhona rah chu Zirlai naupang ten a rah an seng mek a ni a ti bawk.
He Thawhhona Thuthlung hian Salvation Army School, Ramthim Area ami bakah Rualbanlo School Kolasib a mi a huam a. Sorkar atanga hamthatna awmthei Zirlaibu, Naupang Chunchaw leh thil dang an dawn ve theihna tur a ni. He Thawhhona Thuthlung-ah hian Education Dept. aiawhin Pu K.Riachho. IAS, Education Secretary leh Pu B.Lalchhuanliana, Jt.Director & State Nodal Officer (Mid-Day Meal), ten an sign-a. Salvation Army lam aiawhin Lt.Col.Lalngaihawmi, Chief Secretary, India Eastern, Territory in a sign bawk a ni.
He hun hman puitu Pu K.Riachho, IAS, Education Secretary chuan SSA hi Huapzo Programme a ni a, Kohhran leh Tlawmngai Pawl, Zirna Siam that duh tute chu thawhpui theih an nih thu leh chu Zirna Siamtha tur hian CYMA leh MHIP te bakah Mizoram Presbyterian leh Baptist Kohhran te nen pawh kum 2007-a Thawhhona Thuthlung an lo ziah tawh thu a tarlang a. Chu an thawhhona rah chu Zirlai naupang ten a rah an seng mek a ni a ti bawk.
He Thawhhona Thuthlung hian Salvation Army School, Ramthim Area ami bakah Rualbanlo School Kolasib a mi a huam a. Sorkar atanga hamthatna awmthei Zirlaibu, Naupang Chunchaw leh thil dang an dawn ve theihna tur a ni. He Thawhhona Thuthlung-ah hian Education Dept. aiawhin Pu K.Riachho. IAS, Education Secretary leh Pu B.Lalchhuanliana, Jt.Director & State Nodal Officer (Mid-Day Meal), ten an sign-a. Salvation Army lam aiawhin Lt.Col.Lalngaihawmi, Chief Secretary, India Eastern, Territory in a sign bawk a ni.
