Nimin khan Chhim Veng YMA Hall-ah zirtirtute Quality Education Campaign buatsaih a ni a. He hun hi Pu K. Lalnghinglova IAS Secretary Education in khuallian niin a hmanpui.
Khuallian Pu K. Lalnghinglova IAS chuan zirtirtu chu an naupangte dinhmun hrechianga chhawrtlak ni ngei tura chherchhuak turin a chah a, kumpui lingleta naupang enkawl theuh theuh kan in chhuah that hleih thei lutuk hi zirtirtute kan in enfiah a ngai a ni a ti bawk. Khuallian chuan kum 2015 hma ngeia zirtirtu la trained lo te trained tir vek tum anih thu sawiin hemi hnu lamah hi chuan zirtirtu trained lote tan school ah zirtirna an pe thei tawh lovang a ti bawk. Sawrkar chuan zirtirtute Quarter chungchangah harsatna an tawh thin thu sawiin RMSA atangin Quarter 80 chuang sak mek anih thu a sawi a.
Khuallian chuan zirtirtute chu tha hnem ngai taka thawk tur leh mahni pawh tunlai thiamna hmanga zirtirna pe thei tura in tuai hriam sauh sauh turin a chah bawk a ni.
He Campaign buatsaihna ah hian Mamit Education Service Association (MESA) huaihawtin kumin 2013 a Mamit atanga HSLC leh HSSLC a ti thate chawimawina hun hman a ni bawk. He hun hi Pu Lalrammawia, Colney DEO, Mamit in a kaihruai a ni.
Education Secretary hi Pi Malsawmthangi Director, SCERT leh Pu Zothanmawii Deputy Director, SCERT Aizawl ten an rawn tawiawm a ni.
