Dr S.Radhakrishna piancham denchhena hman thin Zirtirtute Ni “Teacher\'s Day” a vawi 50-na (Golden Jubilee)  lawmna chu vawiin khan Saiha khawpui chhung School hrang hrangah te ropui leh urhsun taka hman a ni.
 
He Ni hmanna ah hian Pu Kunal IAS, District Bawrhsap chuan E.C.M.Higher Secondary School-ah hmanpuiin zirtirtute hlutna leh an pawimawhzia sawiin zirtirtute chuan an nun pawh an ulukin zirlaite entawn tlakin an awm tur ani  ati a, zirtirtu chu zirlai ani reng tur ani, ati bawk. Pu Thangchem Zathang, Additional D.C. chuan Government High School Saiha-ah khuallian niin a hmanpui a, Pu V.Lalengmawia S.D.O. (S) pawhin Government Higher Secondary School Saiha-ah khuallian niin a hmanpui bawk. Saiha khawpui chhung School thlan chhuah bik 16 ah te he Ni hmanpui tur hian District chhunga Department hrang hrang hotute chu khuallian atan ruat an ni a, tlawmngai pawl  hrang hrang  heng YMA,MTP,YLA,MCHP,MHIP,LWA hruaitu ten an tawiawm bakah National Award lo dawng tawhte Pu A.Zakia leh Pu S.Zaluaia te pawn khuallian niin he Ni hi an hmanpui ani. Zirlai ten an zirtirtute chawimawi nan thil pek chi hrang hrang an hlan  bakah programme hlimawm tak an hmang bawk ani. He Ni lawmna ah hian School Education Minster, Mizoram in thuchah a siam pawh School hrang hrang-ah te hian chhiar chhuah a ni.