No.632/2020-2021

Falkawn damdawi in ICU a enkawl mek Covid-19 damlo pawhin hma a sawn zel a, oxygen pawh a mamawh dan a zir chauh a pek a ni. Amah pawh a harh thain a thil ei pawh a tui viau tawh a, a khumah a thu chhuak peih tawh nghe nghe a ni.

A sample hi a khat tawkin test reng a ni a, a sample test April ni 23 thleng khan a positive a, April ni 24 a lak sample erawh a negative ta thung. Covid 19 a vei tawh lo ngei a ni tih tichiang tur chuan a zawna darkar 24 chhungin sample lak 2 te a negative ve ve a ngai a, chuvangin sample hi tum 2 lak nawn leh a ni ang.