Vawiin khan Public Information Campaign Zobawk high school ah neih a ni. Khuallian Pu Joseph Lalhimpuia Vice Chairman Lunglei Dist High Powered Committee  chuan PIC a hawn zawh in Photo Exhibition a hawng leh a.  Inkhawm tan nghal niin Pu C. Lalrosanga Director Doordarshan Kendra Aizawl in a kaihruai a ni.

Khuallian Pu Joseph Lalhimpuia chuan PIC hawnna a neih zawhah thu sawiin  Public Information Campaign Zobawk hmun a buatsaih a ni chu lawmawm a tih thu sawiin Bharat Nirman Flagship Programme a bik taka Sawrkar laipuiin mirethei leh hnuaihnung zawkte khaichhuah nan a a buatsaih chu Zofate tan pawh vanneihna nasa tak a ni a, India khua leh tui hmasawnna atan a duan a nih anga a dawngtu leh hmutu tur ten a hmanna dik tak an hriat theih nana hetiang in zirtirna leh sawi hona hun buatsaih a ni chu lawmawm a tih thu a sawi. Pu Mahima chuan Lunglei District hmasawnna hrang hrang sawiin tunhma a house pass leh LSC hmun dang a tihfel ngai thin pawh sawrkar hmalakna in tunah chuan district capital ah tihfel theih tura siamfel a nih tawh thu a a sawi a, Sericulture lamah pawh hma nasa tak a lak niin Zobawk a dah turin pangang khawina leh cocoon process na tur cheng nuai 30 department kut ah hlan fel a ni tawh a ti. High Powered Committee atang pawhin Zobawk Fish seed Farm siam thatna tur cheng nuai 40 dah tawh niin cheng nuaih 20 chu Dept. kutah hma lak nghal mai tur a hlan fel a nih tawh thu a sawi bawk. A sawi zelnaah Bharat Nirman hnuaiah NRHM atangin PHC 3 Thingsai, Zobawk leh Zokhawthar a dah turin Central ah dil mek a ni a, Mizoram sawrkar chuan a ngaih pawimawh zual 3 zingah a telh thu a sawi bawk a ni. Pu Mahima chuan vawiin a Public Information campaign hi mipuiten Central Sponsored scheme hrang hrang a tang a kan dawn tur te kan dawng em, kan hmang dik em tih hriatfiah nan leh zir nan a kan hman a pawimawh hle a ni a ti.

Khual zahawm Pu Saihmingliana Sailo VCP Zobawk pawhin thu sawiin Zobawk khaw mipui aiawhin PIC Core Committee leh Chief Guest chungah lawmthu a sawi a, hetiang thil hi Zobawk khua ah a la thlen ngai loh avangin mipui te an phur hle a, Zobawk khaw mipui pawhin an hlawk pui a beisei thu sawiin  mipuite tana sorkar hmalakna chungchanga hriatchian duh an neih te hrilh hretu an awm laia theih tawp chhuah a rilru pe turin a ngen bawk a ni.  

Vawiin a Information Campaign ah hian zaithiam hrang hrang zaiin Song and Drama Troop aizawl ten Cheraw an entir a, Pu L.Ch. sailo Director AIR Aizawl in lawmthu a sawi bawk a ni. Hemi hnu hian Technical session neih leh niin he hun hi Pu Lalduhthlanga Treasurer MJA Lunglei leh Lianchama chhangte Executive member MJA Lunglei ten an kaihruai a, Flagship Programme hnuaia Scheme hrang hrang atanga Resource person ten thusawina neiin mipui lam atangin zawhna leh chhanna hun hman a ni bawk a ni.

Attachment

  • Loading attachment...