Vawiin khan ZOHANDCO buatsaih nili awh tur "Hnahthial Special Handloom Expo-2020" chu Hnahthial Bazar Building-ah Industrial Development Board Vice Chairman Pu C. Ramhluna'n ribbon chep chatin a hawng.

Hadloom Expo hawnna inkhawm Hnahthial Bazar Building a neih ah Khuallian Pu C. Ramhluna chuan Handloom lam hmasawnna leh thanna a taka hmuh theih a a awm chu lawmawm a tih thu a sawi a, Mizoram sawrkar pawhin SEDP kaltlanga chak zawka hmasawnna a kalpui a beisei thu a sawi bawk.

Khuallian chuan sawrkarin ZOHANDCO hluihlawn tawh a tundin leh hnu kum khat vel chauh chhunga EXPO vawi 3 lai an buatsaih thei leh project chi hrang hrang - Handloom leh Handicrafts lam hmasawnna hawi an kalpui thei chu thawktute leh Chairman thar inpekna a ni tih sawiin fak an phu hle a ni a ti bawk.

"Hnahthial Special Handloom Expo-2020" hi March ni 4-7, 2020 chhunga neih tur niin, Handloom stall 29 a awm a ni.

He EXPO hawnna inkhawm hi ZOHANDCO Chairman, Pu C.Lalrammawia'n a kaihruai a. Pu Vanlalmawia, DC Hnahthial chu khualzahawm a ni.