No.480/2021-2022

Dated Champhai, the 11th May, 2021: Vawiin khan Champhai District Rapid Response Team on ASF, A.H& Vety Department, Champhai District chuan report an dawn bawhzuiin Zokhawthar khuaa Vawk thite an endik a. Rapid Antigen Test hmangin uluk taka endik a nih hnuah African Swine Fever a positive tih an hmuchhuak. Khawl changkang zawk RT-PCR hmanga endika finfiah turin Tissue Sample-te hi Special Messenger hmangin College of Veterinary Sciences & Animal Husbandry (CVSc &A.H), Selesih panpui nghal a ni.

Rapid Response Team on ASF, Champhai District Member Veterinary Officer pahnih, Dr. Lalrinhlui, Dr. MS Dawngliana leh thawktu dangte chuan heng chhan hriat loha Vawk thite hi ngun taka zirchiangin, Test hmahruai Rapid Antigen Test an neih hnuah ASF  positive tih hmuh chhuah a ni. Tun thla May ni 9, 2021 atanga vawiin May ni 11, 2021 thleng hian chhinchhiah danin Zokhawthar khuaah hian Vawk 25 an thi tling tawh a. Vawk thite hi sawngbawl dan tura inkaihhruaina siam anga phum bo nghal vek an ni.