Vawiin khan Zoom Kolasib chuan Kolasib Project Venga AMFU Hall-ah Photographic Workshop tum hnihna an nei a. Member te thlalak lama intuai tharna leh inzirna hun an hmang a ni.
An pawl President Isaac Lalthanmama chuan he hun hi kaihruaiin Zoom Kolasib te chuan hmun hma pawimawh leh chhinchhiah tlak te a theih ang anga tlawh chhuaha record a vawn a nih theih nan hma a la mek a ni, a ti a. Hei bakah hian thlalak lama tuimi ten thiamna nasa zawk an chharchhuaha eizawnna tha tak an neih theih nana tan lak zel hi a tum a ni, a ti.
Workshop-ah hian Tv. RM.Zodinthara, Bachelor of Photography chuan thlalak dan chi hrang hrangte a zirtir a, member te hian photo session nei nghal zelin chu chu an thlir ho leh hlawm a ni.
Zoom Kolasib hian thlalak Photography tih changtlun zel a, a theih ang anga Zoram chhung hmunhma pawimawh te thla laa la fehchhuah an tum a ni.
