‘Chanchinbute hi chem lova mi lu la thei te in ni’ tiin Zoram Politik tih chanchinbu Pu H. Ramdinthara siam nitin chhuak tura beisei chu Pu Lal Thanzara, Parliamentary Secretary to CM chuan CM Conference Hall-ah vawiin chawhnu dar 2:30 khan a tlangzarh
Pu Thanzara chuan, sorkar hmasa ah ram hruaituten eng eng emaw release na neiin hun tam tak an hman thin an sawiselte chu hre rengin, vawiin ni a release erawh hi chu ram kaihhruaina, ram hmel siamna, sorkar leh mipui rawngbawlna tur thil pawimawh a nih hre rengin Zoram Politik tih chu a release anih thu a sawi a. Politics kalkawng dik zawhna kaihruaitu anih a beisei thu a sawi.

Pu Lalthanzama, he chanchinbu tlangzarhna kaihruaitu leh MJA (Hqrs.) Vice President chuan chanchinbu tihchhuah hautak dante leh pawimawh si ziate sawiin a release tu Pu Lal Thanzara chu chanchinbumite tan langsar viau tawh lo mahse Pu Lal Thanhawla CM hmasak hunlai a Press mite a duhsakna  avanga hmun laili lai taka Press Club tur pek a nih hnua sakna tur an neih si loh avanga Pu Lal Thanzara an sawm a, a nin a thlawna Press Club, Aizawl hi a sak sak a nih thu sawiin, MJA hmingin lawmthu a hrilh nawn bawk a ni.

Senior Journalist leh MJA President te lo ni tawh pahnih Pu Robert Lalchhuana leh Pu D.R. Zirliana te pawhin thusawiin chanchinbu chhuah hautak zia leh a subscription man atang ringawt chuan eizawnna a nih theih loh dan te sorkar advertisement-ah innghah a nih laiin sorkar officer ten ngamtlakah advertisement turte news item ah chhuah tura an ngen thin te chu tha lo an tih thu sawiin parliamentary Secretary to CM pawhin heng hi hriatpui a, department hotuteah tanlak sak se an duh thu sawiin Pu H. Ramdinthara’n Zoram Politik chanchinbu nitin chhuak hi a rawn siam chu an lawmpui thu a rawn sawi bawk.

Pu Ramdina pawhin kalkhawmte hnenah lawmthu sawiin, ram rawngbawl nan theih tawp a chhuah zel tur thu a sawilang a ni.