May thla hi World No Tobacco Day (WNTD) thla anih angin Indian Society on Tobacco and Health, Mizoram Chapter (ISTH, M) leh Mizoram State Tobacco Control Society (MSTCS) te chuan kawng hrang hrangin Vaihlo Zuk leh hmuam dona kawngah beihpui thlak tum a ni a, hemi atan hian Programme hrang hrang pawh duan lawk a ni. WNTD hi kum tinin May ni 31 ah thupui (Theme) nei a hman thin a ni a, kumin 2015 WNTD Theme chu "Stop illicit trade of tobacco products (Dan lova Vaihlo, zuk leh hmuam a sumdawnna i titawp ang u)" tih a ni a, WNTD theme hlawhtlin nan hian District hrang hranga Anti Tobacco Squad (ATS) te chuan tun thla chhung hian ngawrh leh zual a beihpui thlak nghal an tum.

WNTD thla beihpui thlakna bul tan nan hian vawiin May ni 1 khan Mualpui 3rd MAP Batallion te zingah Awareness Programme neiin bul tan a ni a, Naktuk May ni 2 (Inrinni) 12:00 Noon hian Aizawl Press Club ah ISTH(M) leh MSTCS te hian Press Meet neih an tum bawk.