Vawiin khan D.C Conference Hall Mamit-ah Mizoram State Tobacco Control Society Mamit buatsaihin zuk leh hmuam dona kawnga hmalatute tana training leh Zamzo Award hlanna hun buatsaih a ni.

He hun Pu Thomas Lalrammawiia, Civil Judges Mamit kaihhruaiah District Bawrhsap Pu Rodney L. Ralte IAS Mamit chuan thusawiin Zuk leh hmuam kawngah mizote hi kan fihlim lo mai nilovin India ramah he mi kawngah pakhatna dinhmun te kan luah a, hei hi hnam ang pawha kan mualphona a ni a ti a, Hriselna kawngah pawh harsatna min thlentu anih avangin mitin te zuk leh hmuama kan fihlim a pawimawh a ni tiin hemi kawnga Dan awmte ngai pawimawha zawm hram hram turin kalkhawmte a chah a ni.

He hunah hian Nl. Vanlalzari District Co-Ordinator chuan zuk leh hmuam dona kawnga Dan hrang hrang Sorkarin a duante sawifiahna leh tuna Mizoram dinhmun te bakah tih tur tul hrang hrangte a lem nen entirin zirtirna a pe a ni.

Hetah hian kum 2011 chhunga meikhu laka fihlim leh fai thlante hnenah Zamzo Award hlan an ni a, hetiangin DCSO Office Mamit, DVO Office Mamit, leh Mamit College te pakhatna niin 2nd-na SBI Mamit Branch an ni a. CMO Office Mamit leh Excise & Narcotics Office te pathumna an ni.

Certificate te hi Pu Rodney L. Ralte IAS, khuallianin a sem a ni.

Training zawh hian District Anti-Tobacco Squad ten office hrang hrang an endik nghal bawk a ni.