A ni hnihna atan, vawiin chawhma dar 11: 00 khan I&PR Conference Hall, Saiha-ah Zuk leh hmuam thatlohzia zirtirna tlawmngai pawl hrang hrangte hnenah neih a ni.

 

 

 

 

He programme hi Mizoram State Tobacco Control Society (MSTCS) Health & Family Welfare Department, Government of Mizoram te bultuma neih a ni a, he programme ah hian Saiha District chhunga Vilage Council memberte Hotel leh Restaurants hrang hrang neitute leh tlawmngai pawl hrang hrang MTP, MSO, MCHP, YMA leh ST A hruaitute an tel ani. Pi Lalmuanpuii, Project Co-ordinator, Mizoram State Tobacco Control Society (MSTCS) Health & Family Welfare Department, Government of Mizoram chuan zuk leh hmuam kawnga Mizote kan fihlim loh zia leh kan uar zia sawiin Mizoram ah Vaihlo leh a kaihhnawih thil hrang hrang hman a hluar thu a sawia tun dinhmunah chuan heng te hi kan sim a hun tawh ani, ati bawk. Mizoram a vaihlo kan hman nasat avanga harsatna chi hrang hrang a awm thu sawiin Power Point Presentation a nei zui bawk ani. Vaihlo leh a kaihhnawih thil hrang hrang hman kawngah India ram state hrang hrang zingah Mizoram chu pakhatna kan nih thu a sawi bawk. Mei kan zuk hian keimahni tan chauh ni lovin kan bula cheng leh khawsa te tan a pawi thei ani, tiin kan fimkhur tlan angai ani, a ti bawk. Meizuk avanga mihringa harsatna thleng theite pawh sawi langin Vaihlo hman avanga India rama Second tina boral zat chu mi 30 zet an awm thin thu a sawi bawk.

Pu Vaboirona Hlychho, District Co-ordinator, South Mizoram pawhin Vaihlo kaihhnawih chi hrang hrang khuahkhirh a nih dan te sawiin Zirna In, Sawrkar Office leh Lirthei ah te leh puipunna hmun ah te hman khap tlat a nih thu a sawi a, Zuk leh hmuam a sawrkarin dan leh hrai chi hrang hrang a zam te Meizial zuk khapna hmuna meizial zu man an nih theih dan leh hremna pek an nih theih dan hrang hrangte a tarlang bawk. He hunah hian zawhna leh chhanna hun te hman a ni a mipuite an kal tha hle a ni.