Zirna atan Saptawng pawimawh zia inhrilh hriatna, Awareness Programme in English Language Teaching, High School Headmaster te tana vawiina SCERT conference hall-a neihah Education Minister Pu Lalsawta chuan Mizoram-in “kan ban phak maia rual kan khum theihna chu zirna hi a ni” tiin a sawi.
Primary, Middle leh High School Headmaster te tana Awareness Programme in English Language Teaching, SCERT in a buatsaih chu vawiin khan chhunzawm niin SCERT Director Pi Malsawmthangi’n chawhma hun a kaihruai a. Education Minister Pu Lalsawta chuan he hun hi hmanpuiin Pawl 8 English zirlaibu atana Techers Handbook chu a tlangzarh nghal a ni.
Thu sawiin Pu Lalsawta chuan hmasawnna hi a hun a lo thlen chuan dan theih a ni lova; Saptawng thiam mamawhna hunah kan awm tawh miau avangin engtin nge kan hmelhriat chian a, Mizoram tan tangkai thei ang bera kan chhawr ang tih ngaihtuah a tul a. Tumna tak tak nen chuan Mizo te hian Saptawng thiamah state dangte kan khum theiin kan chungnung zawk thei a ni, a ti a. Mizo te tan Saptawng chu thil thar a ni lo tiin Sap Missionary ten Sap hawrawp zulzuia Mizo hawrawp min lo buatsaih sak chu vanneihthlak a tih thu a sawi a. Zirlaite tan subject dang zir nan pawh Saptawng thiam pawimawh zia sawiin Pu Lalsawta chuan High School Headmaster kal khawmte chu an school theuhvah Saptawng hmang uar tur leh hemi kawnga zirtirtute kaihruai a, a tih hmuhtu ni turin a fuih a ni.
Keynote address sawitu Pi Laldawngliani Chawngthu, Deputy Director SCERT chuan zirna schoola Saptawng zirna tih hmasawn nan kum 1985 khan District Resource Centre 1 dinin hma lak tan a ni tih a sawi a.Tunah hian Serchhip, Lunglei leh Kolasib Resource Centre ah te chuan kum 5 chhung atana hmalakna zawh a ni tawhin Champhai leh Mamitah te kalpui mek a ni a. Nakum ah Saiha a tan theih beisei a ni, a ti a. SCERT ten an enpuina hnuaiah Mizoram-a Primary school 31 leh Middle School 14 chu English mediuma leh a ni tawh tih sawiin Saptawng zirna in hma a sawn zel theih nan National Curriculum 2005 zulzuiin nikum atanga naupang zirlaibu te thlak thar a ni tih a tarlang.
Vawiina Awareness Programme chhunzawmna ah hian Mamit District Resource Centre Principal boral ta, Pu Laldingliana sunna hun hman a ni a. Pi Sangthanmawii Joint Director chuan inlawmna thu sawiin SCERT hmalakna zingah school hrang hrangte nena inthlunzawmna tur EDUSAT chu tihpuitlin mek a nih thu a tarlang a. Pi Ramdinthangi, Deputy Director-in lawmthu sawiin hun hnung a khar a ni.
Thu sawiin Pu Lalsawta chuan hmasawnna hi a hun a lo thlen chuan dan theih a ni lova; Saptawng thiam mamawhna hunah kan awm tawh miau avangin engtin nge kan hmelhriat chian a, Mizoram tan tangkai thei ang bera kan chhawr ang tih ngaihtuah a tul a. Tumna tak tak nen chuan Mizo te hian Saptawng thiamah state dangte kan khum theiin kan chungnung zawk thei a ni, a ti a. Mizo te tan Saptawng chu thil thar a ni lo tiin Sap Missionary ten Sap hawrawp zulzuia Mizo hawrawp min lo buatsaih sak chu vanneihthlak a tih thu a sawi a. Zirlaite tan subject dang zir nan pawh Saptawng thiam pawimawh zia sawiin Pu Lalsawta chuan High School Headmaster kal khawmte chu an school theuhvah Saptawng hmang uar tur leh hemi kawnga zirtirtute kaihruai a, a tih hmuhtu ni turin a fuih a ni.
Keynote address sawitu Pi Laldawngliani Chawngthu, Deputy Director SCERT chuan zirna schoola Saptawng zirna tih hmasawn nan kum 1985 khan District Resource Centre 1 dinin hma lak tan a ni tih a sawi a.Tunah hian Serchhip, Lunglei leh Kolasib Resource Centre ah te chuan kum 5 chhung atana hmalakna zawh a ni tawhin Champhai leh Mamitah te kalpui mek a ni a. Nakum ah Saiha a tan theih beisei a ni, a ti a. SCERT ten an enpuina hnuaiah Mizoram-a Primary school 31 leh Middle School 14 chu English mediuma leh a ni tawh tih sawiin Saptawng zirna in hma a sawn zel theih nan National Curriculum 2005 zulzuiin nikum atanga naupang zirlaibu te thlak thar a ni tih a tarlang.
Vawiina Awareness Programme chhunzawmna ah hian Mamit District Resource Centre Principal boral ta, Pu Laldingliana sunna hun hman a ni a. Pi Sangthanmawii Joint Director chuan inlawmna thu sawiin SCERT hmalakna zingah school hrang hrangte nena inthlunzawmna tur EDUSAT chu tihpuitlin mek a nih thu a tarlang a. Pi Ramdinthangi, Deputy Director-in lawmthu sawiin hun hnung a khar a ni.
