Aizawl Development Authority (ADA) chuan vawiin khan Chief Minister’s Office Chamber-ah Chairman,Chief Minister Pu Lal Thanhawla kaihhruaina hnuaiah meeting pawimawh an nei.
Chief Minister chuan ADA hnathawh dan leh a kalphung ala hriatchian vak loh thu leh zirna hun pawh ala neih loh thu sawiin, Vice – Chairman Pu Lalfakzuala chuan a nihphung leh kaldan te a sawifiah hmasa a. Pu Hawla chuan Aizawl chu mi hausa leh milian luhlul te avangin a tawpin a chhiat phah nasa nia a hriatthu a sawi a. Thil tha tih kawngah tanho a harsat thin avangin, duh ang leh tum angte pawh a kentlang theih thin loh a ni a ti.
Meeting-ah hian agenda 10 chhawpchhuah a ni a.Chung zingah chuan meeting hmasa a rorelte ennawn, ADA Act in a phut anga member atan MLA 3 awm tura tihah, member ni thin, Pu R.Khawpuithanga awm ta lo leh Pu H.Liansailova, Minister ni ta bawk si; a thar nominate chungchangte, Building Regulations thlahdul deuh dan ngaihtuahtu Committee a Architech Forum atanga ADA aiawh telh ve remtihpui te, Building Regulations, 2nd May 2008 a hman tan atanga eng engemaw, a kenkawhna lama harsatna an tawhte sawiho a ni a.Chung zingah chuan hnathawktu indaihlohna te, stay order pek leh in sak lai thiahsak hial a tulna ah te a ni zual bik a. Hemi Dan kenkawhna a an tih tawhte chu ; In sak phalna dil zat 590, pek zat 436; Hnawl zat 5 ; Chawlhsan tura tih (stay order) 8 leh thubuai siamsak 2 te a ni a. Stay Order petu hi JE chunglam atangin nise tih chu remtih a ni a, agenda 5-na ah Building Regulations hnuaia Committee hrang hrang din remtih a ni bawk a, ADA chu JNNURM hnuaia Parks leh Motor dahna (Vehicle Parking Lots) siam hna thawktu tura Chief Secretary hova ni 29 July 2008 a remtih tawh chu pawmpui a ni a. ADA hnuaia staff te hlawh pay scale chu Mizoram sorkar hnuaia mi anga remsiam nise tih pawmpui a ni bawk a, Budget Estimate for 2009 – 2010 atana Rs.268.50 lakhs chu pawmpui a ni bawk a. ADA hnuaiaah Surveyor I leh Surveyor tih chauh awm tura remtihpuiin, an hlawh tur pawh Rs.6500 /- scale leh Rs.5500/- pay scale nise tih chu pawmpui a ni. Tin, BPL chhungkua tan Building Plans leh Drawing te chu a thlawn a siam sak tih rawtna erawhchu, Chief Ministerin BPL lists chu ennawn hmasaka, paih ngaite paih hmasak phawt a rawt angin, a enchhin nan chauh he agenda hi chu pawm a ni.
Meeting ah hian member 14 bakah ADA staff thahnem tak an kal a ni.
Meeting-ah hian agenda 10 chhawpchhuah a ni a.Chung zingah chuan meeting hmasa a rorelte ennawn, ADA Act in a phut anga member atan MLA 3 awm tura tihah, member ni thin, Pu R.Khawpuithanga awm ta lo leh Pu H.Liansailova, Minister ni ta bawk si; a thar nominate chungchangte, Building Regulations thlahdul deuh dan ngaihtuahtu Committee a Architech Forum atanga ADA aiawh telh ve remtihpui te, Building Regulations, 2nd May 2008 a hman tan atanga eng engemaw, a kenkawhna lama harsatna an tawhte sawiho a ni a.Chung zingah chuan hnathawktu indaihlohna te, stay order pek leh in sak lai thiahsak hial a tulna ah te a ni zual bik a. Hemi Dan kenkawhna a an tih tawhte chu ; In sak phalna dil zat 590, pek zat 436; Hnawl zat 5 ; Chawlhsan tura tih (stay order) 8 leh thubuai siamsak 2 te a ni a. Stay Order petu hi JE chunglam atangin nise tih chu remtih a ni a, agenda 5-na ah Building Regulations hnuaia Committee hrang hrang din remtih a ni bawk a, ADA chu JNNURM hnuaia Parks leh Motor dahna (Vehicle Parking Lots) siam hna thawktu tura Chief Secretary hova ni 29 July 2008 a remtih tawh chu pawmpui a ni a. ADA hnuaia staff te hlawh pay scale chu Mizoram sorkar hnuaia mi anga remsiam nise tih pawmpui a ni bawk a, Budget Estimate for 2009 – 2010 atana Rs.268.50 lakhs chu pawmpui a ni bawk a. ADA hnuaiaah Surveyor I leh Surveyor tih chauh awm tura remtihpuiin, an hlawh tur pawh Rs.6500 /- scale leh Rs.5500/- pay scale nise tih chu pawmpui a ni. Tin, BPL chhungkua tan Building Plans leh Drawing te chu a thlawn a siam sak tih rawtna erawhchu, Chief Ministerin BPL lists chu ennawn hmasaka, paih ngaite paih hmasak phawt a rawt angin, a enchhin nan chauh he agenda hi chu pawm a ni.
Meeting ah hian member 14 bakah ADA staff thahnem tak an kal a ni.
