Vawiin chawhma dar 10:00 khan Champhai D.C. Pu T.V. Fambawl kaihhruaina in D.C. Office ah ‘A one day meeting cum workshop for the Establishment of District AIDS Prevention & Control Unit (DAPCU)’ neih a ni.
He one day workshop kaihruaitu Pu T.V. Fambawl chuan Programme hi sawi hawnna neiin AIDS chungchanga Mizoram mipui a bik takin Champhai mite kaihharh kan tul zia a sawi a. Nunna leh thihna inkar pawimawh tak thil a nih avangin ngaihthah mai chi a ni lova. La vei lo te venhim a tulzia leh a vei mekte chhawmdawl dan tur ngaihtuah a tul thute a sawi a. Hemi kawnga eng harsatna pawh hmachhawn thei tur leh mipuite chiai lo zawnga zirtir tur kan ni tiin ramri hrula awm kan nih avangin hemi kawnga awareness nei nasa ber tur kan nih laiin kan la nei nasa tawk lo a ni, a ti a. AIDS natna hian mihringte kan pan na (chaklohna) lai tak sex hmangte, ruihtheih thila inchiuna hmangte hian min bei thin a, chumi invenna leh tan lak dan tur chu kan ngaihtuah a tul a ni tiin D.C. hemi kawnga hma latu te pawh tha thlah lovin chet lak tak tak a hun tawh a, a tlai luat hma leh Champhai mipuite himna tura tan la turin a ngen nghal bawk.
Pu Lallianzuala, Hqrs. lam atanga he hun hmanpui tura lo kal pawhin DAPCU (District AIDS Prevention & Control Unit) pawl chungchang, an hmalakna leh kalphung te report a pe a. Champhai District hi AIDS ah hian kan hniam lova, hemi ti hniam tur hian tan kan lak a tul a ni tiin sawrkar lama kan minister te pawh an la thalaiin an viak a tha a, beiseina pawh a awm hle a ni, a ti a. HIV/AIDS hi kum 2011-2012 hma ngeia tihkiam bakah tih rem chu an tum ber a ni Pu Lallianzuala chuan tiin khawvel ram dangah chuan AIDS vei ten kum 20 chuang an dampui theih laiin keini rama kum 4/5 lek an dam chu in enkawl that tawk loh vang a ni a, chuvangin AIDS veite chuan in report hreh lovin helam kawnga hma la tute nena thawhho leh tanrual a pawimawh hle a ni, a ti a. AIDS vei nu naupai phei chu an ngaih pawimawh thu sawiin naute chu nu pumchhunga a awmlai atanga enkawl ngun chu vei ve lovin a enkawl dam theih a, chuvang chuan nu naupai te chu damdawi inah ngei nau nei turin a ngen a ni.
Champhai District bikah chuan damdawi ruihtheih avanga AIDS kai hi mi 750 vel an awm a. Hmeichhe awmkhawlo (KS) atanga AIDS kai mi 150 vel an awm bawk. Chubakah HIV hian TB natna a thlen awlsam bik hle a ni.
He inkhawmah hian sawihona hun tha tak neih a niin ngaihdan hrang hrangte pawh thawhkhawm a ni.
Pu Lallianzuala, Hqrs. lam atanga he hun hmanpui tura lo kal pawhin DAPCU (District AIDS Prevention & Control Unit) pawl chungchang, an hmalakna leh kalphung te report a pe a. Champhai District hi AIDS ah hian kan hniam lova, hemi ti hniam tur hian tan kan lak a tul a ni tiin sawrkar lama kan minister te pawh an la thalaiin an viak a tha a, beiseina pawh a awm hle a ni, a ti a. HIV/AIDS hi kum 2011-2012 hma ngeia tihkiam bakah tih rem chu an tum ber a ni Pu Lallianzuala chuan tiin khawvel ram dangah chuan AIDS vei ten kum 20 chuang an dampui theih laiin keini rama kum 4/5 lek an dam chu in enkawl that tawk loh vang a ni a, chuvangin AIDS veite chuan in report hreh lovin helam kawnga hma la tute nena thawhho leh tanrual a pawimawh hle a ni, a ti a. AIDS vei nu naupai phei chu an ngaih pawimawh thu sawiin naute chu nu pumchhunga a awmlai atanga enkawl ngun chu vei ve lovin a enkawl dam theih a, chuvang chuan nu naupai te chu damdawi inah ngei nau nei turin a ngen a ni.
Champhai District bikah chuan damdawi ruihtheih avanga AIDS kai hi mi 750 vel an awm a. Hmeichhe awmkhawlo (KS) atanga AIDS kai mi 150 vel an awm bawk. Chubakah HIV hian TB natna a thlen awlsam bik hle a ni.
He inkhawmah hian sawihona hun tha tak neih a niin ngaihdan hrang hrangte pawh thawhkhawm a ni.
