Vawiin  khan District Tobacco Control Cell Champhai te chuan Pinehill Adventist School ah World No Tobacco Day hmanna programme an nei. 

He hunah hian Pu Zosangzela District Consultant, District Tobacco Control Cell Champhai District chuan 'Tobacco a threat to Development" tih thupui hmangin powerpoint presentation pe in, Zuk leh Hmuamin kawng hrang hranga Hriselna, sum leh pai leh khawtlang nunah mihringte hmasawnna a tihthuanawp leh kan nih tur ang ni thei lova min siamtu, Sual lian zawk kalkawng chu Zuk leh Hmuam hi a ni a ti. District Tobacco Control staff  Pu Lalrawngbawl, Social worker leh Pi Lalruatdiki Hnamte Psychologist ten thusawina hun an nei bawk. 

He hun hi Pu Zothanzauva Headmaster Pinehill Adventist Academy chuan kaihhruaiin Zai, recitation, slogan writing, poster drawing ah te intihsiakna neih niin lawmman sem nghal a ni a, Naupang ten special item hrang hrang an entir bawk.