Assam a chi leh chi inkara buaina chhuak in a nghawng, Bangalore leh khawpui lian dangah Hmarchhak mite tana boruak muanawmlo awm niawm a chanchinbu leh TV lama thudawn anih avangin, Hyderabad ,Pune leh Mumbai a hmarchhak mite, abikin Mizo zirlaite leh hnathawka awmte thlamuang taka an awm theih nan leh an sahimna ngaihtuahsak turin Chief Minister Pu Lal Thanhawla chuan vawiin khan Andhra Pradesh Chief Minister Pu Kiran Kumar Reddy leh Maharashtra Chief Minister Pu Prithviraj Chavan te chu lehkha thawn in a ngen.

Chief Minister pahnihte lehkha thawn ah hian Chief Minister Pu Lal Thanhawla chuan Assam buaina avanga heng khawpui a mi tu tih hriat loh ten thuthang dik lo an thehdarh bakah hmarchhak mite rikrap leh tithlabar zawnga boruak an siam ah khua a tlai hma a thil duhawm lo leh tha lo a thlen loh nan tul ang zawng zawng a hma la turin a ngen bawk a ni.