Vawiin khan Supreme Court in khawpui chhunga chenna in nei lo te dinhmun zirchiang tura a din, Committee on Shelter for Urban Homeless (SUH) chuan an Chairman, Justice Kailash Gambhir hovin Zuangtui-a Thutak Nunpuitu Team (TNT) leh Hermon Children’s  Home, Durtlang-te chu an tlawh. 

Justice Kailash Gambhir chuan Sawrkar, NGO-te leh mimal tlawmngai te’n tanpui ngai leh chhumchhia zawkte chawikanna  tura an hnathawh chu a ropuiin hemi kawnga hmalakna hrang hrang te chu a fakawm hle a ni, a ti. Home-te chu a tha thawkhat viau a, duhthusam loh lai leh tlakchhamna an neih te chu dan ang thlapa ziaka sawkar hotute hnena thehlut turin a chah a ni. Home enkawltu te  chu an hnathawh ropui tak  chhawmnung zela theihtawp chhuah  tur leh Deendayal Antyodaya Yojana- National Urban Livelihood Mission (DAY-NULM) hnuaia hamthatna awmte chhawr tangkai thei turin sawrkar lama hotute tawiawm tlat turin a fuih nghal bawk a ni. 

Committee on Shelter for Homeless(SUH) Chairman hi Pu Neeraj Kumar Gupta,  Member Secretary; Pu Rakesh Ranjan Barik, National Mission Manager (C&KM) leh Pu Sangkhawma, Deputy Director (Account) UD&PA te’n an tawiawm a ni. 

Committee on SUH  Member- te hian vawiin chawhnu khan Rangvamuala hnathawh an  tlawh hnuin New Delhi lam an pan leh a ni.