Kan hma lawka Mizoram inthlanpui lo awm tur thlira Awareness & Media Observer, ECI in a ruat Pu S. Subramanian chuan vawiin khan Kolasib a tlawh a. DC Pu R. Lalramnghaka hovin a office-ah MCMC member te leh SVEEP member ten inkawmhona hun hmangin inthlanpui atana inpuahchahna hrang hrangte an sawi ho a ni.

Pu S. Subramanian chuan India ram hi Democracy lungphuma innghat a nih angin Vote nei thei chin tawh phawt chuan vote kan thlak ngei hi kan chanvo dikna a ni a. Election hi Festival (Kut) ropui ber pakhat tia hriat thin a ni a. Vote thlak pawimawhzia mitin hnena puanzar hi kan tihtur a niin Voter enrolment chungchang hi kan ngai pawimawh em em tur a ni, a ti a. Tuna thangtharte hi nakina kan khawvel la luahturte an ni a, hengte hian Vote thlak pawimawhzia an hriat a, phur taka an thlak theuh theihna turin vawiina lo kalkhawmte hian hrilh darh hna pawh kan thawh a tul a ni, a ti a. Mizoramah chuan tlawmngai pawl, YMA leh a dangten hemi chungchang leh thildang hrilh hriat hna nasa taka in thawk hi a ropui hle a ni, a ti a. Mizoram chu ziak leh chhiar thiam tam vang te, a ram boruak muanawm tak avang tein in vannei hle a ni, a ti a ni.

Inthlanpui atana inpuahchahna chi hrang hrangte, voter enrolment chungchang leh vote thlak pawimawhna te, dik leh felfai taka suma inleina tell ova vote thlak theuh tura sawrkar leh MPF, tlawmngai pawl, Pol. Party leh kohhran hrang hrang telna hmanga lehkha sema zirtirna siam tawh a nih dan te Observer hi he hunah hian hrilh a ni.

Pu S. Subramanian hian Kolasib bakah Mamit leh Champhai te a bial tel a ni.